گرمیوں کے روزوں میں ٹھنڈی مزیدار فروٹ چاٹ تیار کریں -
The news is by your side.

Advertisement

گرمیوں کے روزوں میں ٹھنڈی مزیدار فروٹ چاٹ تیار کریں

رواں برس سخت گرمیوں میں آنے والے روزوں کے دوران سحر و افطار میں مائع اور ٹھنڈی چیزوں کا استعمال ضرورت بن چکا ہے تاکہ روزے کے دوران جسمانی توانائی بحال رکھی جاسکے۔

جسم میں پانی کی سطح کو برقرار رکھنے کے لیے پھلوں کا استعمال بھی از حد ضروری ہے ایسے میں افطار میں تازہ پھلوں کی ٹھنڈی ٹھار چاٹ سے بہتر کوئی اور شے نہیں ہوسکتی۔

فروٹ چاٹ کو مندرجہ ذیل دو مختلف انداز سے بنایا جاسکتا ہے۔


قلفہ کریم فروٹ چاٹ

 

اجزا

قلفہ آئس کریم: نصف لیٹر

فروٹ کاک ٹیل: 1 عدد

کریم: 1 پیکٹ

سرخ جیلی: 1 پیکٹ

چینی پسی ہوئی: 4 کھانے کے چمچ

بادام، پستے: 1 کپ باریک کٹے ہوئے

ترکیب

سب سے پہلے سرخ جیلی میں 2 کپ پانی ڈال کر پکالیں، اب اسے فریج میں رکھ کر ٹھنڈا کر کے ٹکڑے کرلیں۔

ایک برتن میں قلفہ آئس کریم، پسی چینی اور کریم مکس کرلیں۔

اب اس میں فروٹ کاک ٹیل اور جیلی شامل کریں۔ اوپر بادام، پستے ڈال کر 2 گھنٹے کے لیے فریج میں رکھ دیں۔

قلفہ کریم فروٹ چاٹ تیار ہے۔


کریم فروٹ چاٹ

اجزا

انگور: 1 کپ

آڑو: 2 عدد کٹے ہوئے

کیلے: 4 عدد

امرود: 4 عدد کٹے ہوئے

ابلے ہوئے چنے: 1 کپ

فروٹ کاک ٹیل: 1 کین

آلو: 1 عدد ابلا اور کٹا ہوا

کریم: 2 پیکٹ

نمک: آدھا چائے کا چمچ

کالی مرچ: 1 چوتھائی چائے کا چمچ

کاسٹر شوگر: 4 کھانے کے چمچ

چاٹ مصالحہ: ڈیڑھ چائے کا چمچ

ترکیب

ایک پیالے میں تمام کٹے ہوئے پھل اور فروٹ کاک ٹیل ڈالیں۔ اس میں ابلے ہوئے چنے اور آلو مکس کریں۔

اب ٹھنڈی کریم، کاسٹر شوگر، کالی مرچ، نمک اور چاٹ مصالحہ ڈال کر اچھی طرح مکس کریں۔

اب فروٹ چاٹ کو فریج میں رکھ دیں اور ٹھنڈا ہونے پر سرو کریں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں