site
stats
صحت

پھلوں کا استعمال بہتر دماغی نشونما میں معاون

اگر آپ دو کھانوں کے درمیان کے وقفے میں مختلف اسنیکس اور غیر صحت مند اشیا سے اپنا دل بہلاتے ہیں، تو انہیں چھوڑ کر پھل کھانا شروع کردیں کیونکہ ماہرین کا کہنا ہے کہ پھلوں کا استعمال دماغ کی نشونما میں اضافہ کرسکتا ہے۔

نیویارک یونیورسٹی میں کی جانے والی اس تحقیق کے مطابق پھلوں کا باقاعدہ استعمال دماغ کو بڑا کر دیتا ہے۔ دماغ کا حجم بڑا ہونے کا مطلب اس کی کارکردگی اور ذہانت میں اضافہ ہے۔

fruits-2

ماہرین کا کہنا ہے کہ یہ تحقیق ایک اور تحقیق کے نتائج کے بعد کی گئی جس میں دیکھا گیا کہ وہ جانور جو پھل کھاتے تھے ان کا دماغ ان جانوروں سے ایک تہائی فیصد بڑا تھا جو گوشت خور تھے یا پتے کھا کر گزارہ کرتے تھے۔

ماہرین کا کہنا ہے کہ پھلوں میں دیگر خوراک کی نسبت زیادہ توانائی موجود ہوتی ہے جو دماغی نشونما کو بہتر کرتی ہے۔

مزید پڑھیں: پھلوں کا استعمال امراض قلب سے بچاؤ میں مفید

تحقیق میں شامل پروفیسر ایلکس کا کہنا ہے، ’ہمارا دماغ ایک مہنگا عضو ہے۔ یہ ہمارے جسم کے کل وزن کا صرف 2 فیصد وزن کا حامل ہے، لیکن یہ ہمارے جسم کی 25 فیصد توانائی استعمال کرتا ہے‘۔

fruits-3

اس سے قبل کی جانے والی ایک اور تحقیق سے پتہ چلا تھا کہ پھل کھانا صرف طبی اور جسمانی طور پر ہی فائدہ مند نہیں بلکہ نفسیاتی طور پر بھی بہتری کا سبب بن سکتا ہے۔

باقاعدگی سے پھلوں کا استعمال ہمارے اندر مسرت اور خوشی کا احساس پیدا کرتا ہے جبکہ ہمیں جذباتی اور نفسیاتی طور پر مستحکم بھی بناتا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top