The news is by your side.

Advertisement

غلط پارکنگ پر ڈرائیور کا انوکھا انتقام؛ ویڈیو وائرل

اکثر ایسا ہوتا ہے کہ شاپنگ مال میں گاڑی پارک کرنے کی جگہ نہ ملنے پر خریدار مایوس ہوکر واپس لوٹ جاتے ہیں۔ ایسا صرف کچھ لوگوں کی جانب سے گاڑی غلط پارک کرنے کی وجہ سے ہوتا ہے۔

ویڈیو شیئرنگ ایپ ٹک ٹاک پر ایک ویڈیو خوب وائرل ہو رہی ہے۔ ویڈیو میں دیکھا جا سکتا ہے کہ پارکنگ میں ایک گاڑی کے اردگرد شاپنگ کارٹس کھڑی کی گئی ہیں۔

ہوا کچھ یوں کہ جب ایک خریدار شاپنگ مال سے خریداری کر کے پارکنگ میں آیا تو اس نے دیکھا کہ کسی خریدار نے اپنی گاڑی غلط طریقے سے پارک کی ہے۔ گاڑی اس طرح پارک ہے کہ اس نے دو گاڑیوں کی جگہ گھیر رکھی ہے۔

یہ دیکھتے ہی اس شخص کو شدید غصہ آیا اور اس نے بدلہ لینے کا ارادہ کرلیا۔ اس نے شاپنگ کارٹس کو جمع کر کے غلط پارک کی گئی گاڑی کے اردگرد لگا دیا تاکہ مذکورہ خریدار کو گاڑی نکالنے میں مشکل پیش آئے۔

اس پورے عمل کی عکس بندی کر کے اسے ٹک ٹاک پر پوسٹ کیا گیا تاکہ دیگر افراد بھی اس سے سبق حاصل کریں۔ ویڈیو ٹک ٹاک پر پوسٹ ہونے کے کچھ ہی دیر بعد وائرل ہوگئی اور صارفین  کی جانب  سے اس پر ملا جلا ردعمل سامنے آیا۔

ویڈیو پوسٹ کرنے والے صارف کے مطابق شاپنگ کے لیے آئے متعدد خریدار نے حکمت عملی کے ساتھ شاپنگ کارٹس گاڑی کے اردگرد  رکھیں تاکہ اس شخص کو گاڑی نکالنے میں دکت محسوس ہو۔

خریداروں نے گاڑی کے گرد زمین پر ایک پیغام بھی لکھا کہ "یہ بینٹلی نہیں ہے۔”

Comments

یہ بھی پڑھیں