The news is by your side.

Advertisement

فیصل آباد:کھیت سے لڑکے اور لڑکی کی لاشیں بر آمد

فیصل آباد : اعوان والا میں کھیت سے لڑکے اور لڑکی کی لاشیں برآمد ہوئیں، دونوں نے پسند کی شادی نہ ہونے پر مبینہ طور پر خودکشی کی، مقتولہ کی آج بارات آنی تھی ۔

ستیانہ روڈ پر واقع گاؤں اعوان والا کے رہائشی بائیس سالہ عامر شہزاد اور بیس سالہ نجمہ ایک دوسرے کو پسند کرتے تھے ۔ عامر کے گھر والوں نے دونوں کی شادی کرنے سے انکار کر دیا تھا ۔ آج نجمہ کی شادی طے تھی اور بارات نے آنا تھا کہ علی الصبح گاؤں کے قریب کھیت سے دونوں کی لاشیں ملیں ۔

دونوں کے سر پر گولیاں لگی تھیں جبکہ لاشوں کے پاس سے پستول بھی ملا ہے ۔

تھانہ صدر پولیس نے پوسٹ مارٹم کے لئے لاشوں کو الائیڈ ہسپتال منتقل کر دیا ۔ مقتولہ کے لواحقین کا کہنا ہے کہ عامر نجمہ کو اغوا کر کے لے گیا تھا جبکہ مقتول کے ورثاء نے الزام عائد کیا ہے کہ دونوں کو نجمہ کے گھر والوں نے قتل کیا ہے‌۔

Comments

comments

یہ بھی پڑھیں