The news is by your side.

Advertisement

لبنان: فیول ٹینکر زوردار دھماکے سے پھٹ گیا، بڑا جانی نقصان

بیروت: لبنان میں ایندھن سے بھرا ٹرک زور دار دھماکے سے پھٹ گیا، واقعے میں بیس افراد ہلاک ہوگئے ہیں۔

غیر ملکی خبر رساں ایجنسی کے مطابق لبنان کے شمالی شہر اکار میں ایندھن سے بھرے ٹرک کے پھٹنے سے ہونے والے دھماکے میں بیس افراد ہلاک ہوگئے ہیں۔

عالمی امدادی ادارے ریڈ کراس کے مطابق واقعہ لبنان کے شمالی شہر اکار میں پیش آیا، فوری طور پر دھماکے کی وجہ معلوم نہیں ہوسکی ہے۔

ریڈ کراس کی جانب سے کئے گئے ٹوئٹ میں بتایا گیا کہ ہماری ٹیموں نے بیس لاشوں اور ٹینکر پھٹنے سے ہونے والے دھماکے میں زخمی ہونے والے سات سے زائد افراد کو قریبی ہسپتال منتقل کیا ہے۔

ورلڈ بینک کے مطابق لبنان کو اس وقت اٹھارہ سو پچاس کے بعد بدترین معاشی بحران کا سامنا ہے اور ملک میں کئی مہینوں سے ایندھن کی قلت ہے، ایندھن کی قلت کی وجہ سے بہت سے علاقوں میں صرف دن میں دو گھنٹے ہی بجلی دستیاب ہوتی ہے جبکہ کئی اسپتالوں نے خبردار کیا ہے کہ بجلی کے بحران کی وجہ سے انہیں اپنی سروسز بند کرنا پڑیں گی۔

لبنان میں مسلسل بلیک آؤٹ کی وجہ سے جمعے کے دن بھی تیل کی سپلائی متاثر تھی اور وہ پیٹرول پمپس جن کے پاس ابھی تک سپلائی کی سہولت موجود ہے، وہاں لوگوں کی طویل قطاریں دیکھی گئیں۔

یاد رہے کہ تیل (ایندھن) کے درآمد کنندگان نے پہلے ہی تیل کی قلت سے خبردار کیا تھا اور مطالبہ کیا تھا کہ تیل کی خرید وفروخت کے لیے زرمبادلہ کی پرانی شرح کو بحال رکھا جائے۔

Comments

یہ بھی پڑھیں