فجیرہ : تائی کوانڈو چئمپین شپ، پاکستانی کھلاڑیوں نے چھ تمغے حاصل کیے -
The news is by your side.

Advertisement

فجیرہ : تائی کوانڈو چئمپین شپ، پاکستانی کھلاڑیوں نے چھ تمغے حاصل کیے

فجیرہ : اماراتی ریاست فجیرہ میں ساتویں تائی کوانڈو چئمپین شپ کا رنگا رنگ اختتام ہوگیا. پاکستان کے دستے کی شاندار پرفارمنس دو سونے دو چاندی اور دو کانسی کے تمغے جیتے۔

تفصیلات کے مطابق اماراتی ریاست فجیرہ میں ساتویں تائی کوانڈؤ چئمپین شپ اپنے اختتام کو پہنچ گئی، پاکستان کے دستے نے شاندار کارکردگی کا مطاہرہ کرتے ہوئے دو سونے، دو چاندی اور دو کانسی کے تمغے حاصل کیے۔

چیمپئین شپ میں سوات سے تعلق رکھنے والی آٹھ سالہ کھلاڑی عائشہ عزیز نے بھی کانسی کا تمغہ جیتا، دبئی میں رہائش پذیر سنان نے ڈیڑھ سال بعد پاکستان کی طرف سے انٹرنیشنل چئمپئن شپ میں شرکت کی اور گولڈ میڈل اپنے نام کیا، سنان اس سے پہلے تاشقند میں بھی میڈل جیت چکے ہیں۔

اس کے علاوہ شمالی وزیرستان سے تعلق رکھنے والے دو پاکستانیوں نے بھی میڈلز لئے، شمالی وزیرستان کے محمد دانش نے چیمپئین شپ میں سونے کا تمغہ حاصل کیا۔

پہلی بار انٹرنیشل چمئین شپ میں شرکت کرنے والے عارف الله نے سلور میڈل جیتا،کراچی سے تعلق رکھنے والے تیمور نے بھی سلور سینے پر سجایا۔

واضح رہے کہ تائی کوانڈو چئمپین شپ میں40ممالک سے 1200اییتھلیٹس نے حصہ لیا جبکہ پاکستان سے21ایتھلیٹس نے اپنی مہارت کا مظاہرہ کیا۔

Comments

comments

یہ بھی پڑھیں