The news is by your side.

Advertisement

تیز رفتار کار نالے میں جاگری، تین لڑکیاں جاں بحق ایک لڑکا اور لڑکی زخمی

اسلام آباد : تھانہ کوہسار اسلام آباد کی حدود میں ایک تیز رفتار کار برساتی نالے میں جا گری، حادثے کے باعث کار میں سوار تین لڑکیاں جاں بحق ہوگئیں،حادثے میں ایک لڑکا اور ایک لڑکی شدید زخمی ہوئے۔

تفصیلات کے مطابق اسلام آباد کے تھانہ کوہسار کی حدود سیکٹر ایف سیون تھری میں تیز رفتار کار نالے میں جاگری، کار میں پانچ افراد سوار تھے، حادثے کے باعث کار میں سوار تین لڑکیاں جاں بحق ہوگئیں۔

حادثے میں ایک لڑکا اور ایک لڑکی شدید زخمی ہوئے جنہیں ابتدائی طبی امداد کیلئے اسپتال منتقل کردیاگیا۔ اس حوالے سے پولیس کا کہنا ہے کہ حادثے میں جاں بحق ہونے والی لڑکیوں کا تعلق اسلام آباد، لاہور اور کراچی سے ہے۔

زخمی لڑکے اور لڑکی کا تعلق اسلام آباد سے ہے، جاں بحق ہونے والوں میں رمشا، حنا اور عشا شامل ہیں، جبکہ گاڑی چلانے والا لڑکا حمزہ اور اگلی نشست پر بیٹھی ایک لڑکی نمرہ شدید زخمی ہوئی، پولیس کے مطابق کار حادثے سے متعلق مزید تفتیش کی جارہی ہے۔

Comments

comments

یہ بھی پڑھیں