The news is by your side.

Advertisement

مسافروں کو بڑی رعایت مل گئی، پابندی ختم

نئی دہلی: بھارتی ریاست مہاراشٹرا اور اس کے مشہور ترین شہر ممبئی میں داخلے کے لیے کورونا ٹیسٹ رپورٹ جمع کرانے کی پابندی ختم کردی گئی۔

غیرملکی خبرساں ادارے کی رپورٹ کے مطابق کوروناویکسین کی دونوں خوراک لینے والے مسافر سے مہاراشٹرا میں داخلے کے وقت کورونا رپورٹ طلب نہیں کی جائے گی۔ قبل ازیں اندرون ملک مسافروں کے لیے ریاست اور اس کے ممبئی سمیت دیگر شہروں میں جانے کے لیے کورونا رپورٹ منفی شرط تھی۔

Fully Vaccinated Flyers No Longer Need Negative Covid Report To Enter Mumbai

تاہم اب مسافروں کو بڑی رعایت دی گئی ہے لیکن انہیں کووونا ویکسین کی دونوں خوراک لینے کا ثبوت (ویکسینیشن سرٹیفکیٹ) پیش کرنا ہوگا، مکمل ویکسینیشن والے مسافر ہی اس سہولت سے فائدہ اٹھا سکیں گے۔

ممبئی کے میونسپل کمشنر نے اس حوالے سے احکامات جاری کردیے۔

بھارتی حکام کا کہنا ہے کہ مہاراشٹرا میں کورونا کیسز میں کمی ریکارڈ کی جارہی ہے جس کے باعث یہ قدم اٹھایا گیا ہے تاہم احتیاطی تدابیر پر ہر صورت عمل کروایا جائے گا۔

خیال رہے کہ بھارت نے بین الاقوامی پروازوں پر پابندی تاحال برقرار رکھی ہوئی ہے۔

Comments

یہ بھی پڑھیں