The news is by your side.

Advertisement

شہید فوجی جوانوں‌ کی نماز جنازہ ادا، دھماکے کی ابتدائی رپورٹ موصول

لاہور: بیدیاں روڈ پر مردم شماری ٹیم پر خودکش حملے میں شہید ہونے والے فوجی جوانوں کی نماز جنازہ ادا کردی گئی۔


یہ پڑھیں: مردم شماری ٹیم پر خودکش حملہ،5 فوجی اہلکار سمیت 7 افراد شہید


اطلاعات کے مطابق نماز جنازہ لاہور کے ایوب اسٹیڈیم میں ادا کی گئی جس میں کور کمانڈر لاہور، فوج کے دیگر افسران، گورنر اور وزیراعلیٰ پنجاب سمیت سیاسی اور سماجی شخصیات نے شرکت کی ۔


قومی پرچم میں لپٹی میتوں کی مکمل فوجی اعزاز کے ساتھ نماز جنازہ ادا کی گئی بعدازاں ان کی میتیں آبائی گاؤں کو روانہ کردی گئیں۔

اے آر وائی نیوز کے نمائندہ لاہور نصیر احمد نے بتایا کہ 4 شہید اہلکار لانس نائیک محمد ارشاد، حوالدار محمد ریاض، سپاہی عبداللہ اور ساجد کی نماز جنازہ ادا کی گئی۔
خیال رہے کہ ان چاروں سپاہیوں کی نماز جنازہ کے بعد ایک اور زخمی فوجی نے دم توڑ دیا جس کے بعد شہید فوجیوں کی تعداد 5 ہوگئی۔

حملہ آور نے موٹر سائیکل وین سے ٹکرائی، ابتدائی رپورٹ

بیدیاں روڈ خودکش حملے کی ابتدائی رپورٹ وزارت داخلہ کو موصول ہوگئی، حملہ آور نے اپنی موٹر سائیکل وین سے ٹکرادی تھی، دھماکے میں 8 تادس کلو گرام بارودی مواد استعمال کیا گیا۔

اے آر وائی نیوز کے نمائندہ اسلام آباد ذوالقرنین حیدر نے بتایا کہ جس میں بتایا گیا ہے کہ خود کش حملہ آور نے اپنی موٹر سائیکل وین سے ٹکرادی تھی جس کے نتیجے میں 5 فوجی اہلکار اور دو شہری شہید ہوئے۔

رپورٹ میں کہا گیا ہے کہ دھماکے میں 8 سے 10 کلو گرام دھماکا خیز مواد استعمال کیا گیا جب کہ تفتیش کے لیے وین ڈرائیور کو بھی حراست میں لے لیا گیا ہے۔

Print Friendly, PDF & Email

Comments

comments

یہ بھی پڑھیں