کراچی : شہید ہونے والے 4پولیس اہلکاروں کی نمازِ جنازہ ادا -
The news is by your side.

Advertisement

کراچی : شہید ہونے والے 4پولیس اہلکاروں کی نمازِ جنازہ ادا

کراچی: شہید ہونے والے چار پولیس اہلکاروں کی نماز جنازہ ادا کردی گئی، چاروں اہلکاروں کو افطار کے وقت سائٹ ایریا میں فائرنگ کرکے شہید کیا گیا تھا۔

تفصیلات کے مطابق ملک بھر میں دہشتگردی کی تازہ لہر جاری ہے، کوئٹہ اور پارا چنار کے بعد کراچی بھی دہشت گردوں کے نشانے پر ہیں، گذشتہ روز فائرنگ سے شہید اہلکاروں کی نماز جنازہ گارڈن ہیڈکوارٹرز میں ادا کردی گئی، جس میں صوبائی وزیر منظور وسان، آئی جی سندھ اور ڈی جی رینجرز نے شرکت کی۔

اس موقع پر آئی جی سندھ اے ڈی خواجہ نے شہیدوں کے ورثاء کیلئے پچاس پچاس لاکھ روپے امداد کے علاوہ ورثا کو محکمہ پولیس میں ایک ملازمت اور مراعات دینے کا اعلان کیا۔


مزید پڑھیں : کراچی:‌ افطاری پر بیٹھے پولیس اہلکاروں‌ پرمسلح افراد کی فائرنگ، 4 شہید


یاد رہے گذشتہ روز کراچی کے علاقے سائٹ ایریا میں حبیب چورنگی کے قریب دو موٹرسائیکلوں پر سوار چار نامعلوم دہشت گردوں نے فائرنگ کرکے چار پولیس اہلکاروں کو شہید کردیا، شہید اہلکاروں میں تین کانسٹیبل اور ایک اے ایس آئی شامل تھے۔

اے آئی جی پولیس مشتاق مہر کا کہنا ہے کہ جائے حادثہ سے نائن ایم ایم پستول کے تیس خول ملے۔

راجا عمر خطاب کا کہنا تھا کہ واقعہ کی ذمہ داری نئی کالعدم تنظیم نے قبول کرلی، حملہ آور فائرنگ کے بعد پمفلٹ پھینک کر فرار ہوئے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Comments

comments

یہ بھی پڑھیں