The news is by your side.

Advertisement

پاک فضائیہ کےسابق سربراہ ایئرمارشل اصغرخان کی نماز جنازہ ادا

راولپنڈی : پاک فضائیہ کے پہلے کمانڈران چیف ایئرمارشل ریٹائرڈ اصغرخان کی نماز جنازہ نورخان ایئربیس میں ادا کردی گئی۔

تفصیلات کے مطابق پاک فضائیہ کے پہلے پاکستانی سربراہ ایئرمارشل ریٹائرڈ اصغرخان کی نماز جنازہ نورخان ایئربیس میں ادا کردی گئی۔

وزیراعظم شاہد خاقان عباسی، وفاقی کابینہ کے اراکین، مسلح افواج کے سربراہان اور چیئرمین جوائنٹ چیفس آف اسٹاف کمیٹی نے بھی نمازجنازہ میں شرکت کی۔


سابق ایئرچیف مارشل اصغرخان انتقال کرگئے


پاک فضائیہ کے سابق ایئرچیف مارشل اصغرخان گزشتہ روز 97 برس کی عمر میں اس جہانِ فانی سے کوچ کرگئے تھے۔

اصغرخان 17 جنوری 1921 کو مقبوضہ کشمیر میں پیدا ہوئے ان کے والد بریگیڈیر رحمت اللہ خان کا تعلق شمالی وزیرستان سے تھا۔

قیام پاکستان کے بعد اصغر خان خاندان سمیت ایبٹ آباد منتقل ہوئے جہاں انہوں نے مستقل سکونت اختیار کی اور ان کے چھوٹے بھائی کے علاوہ تمام بھائیوں نے پاکستان آرمڈ فورسز میں خدمات انجام دیں

اصغرخان 1947 میں پاکستان ایئرفورس کے پہلے کمانڈنٹ بنے اور 1950 میں انہیں پاک فضائیہ کے پہلےایئرآپریشن کے ڈائریکٹر جنرل ہونے کا بھی اعزاز حاصل ہوا۔

یاد رہے کہ اصغرخان 1957 میں ایئرچیف کے عہدے پرفائز ہوئے اور اس وقت ان کی عمر 36 سال تھی اور وہ کم عمر ترین فضائیہ کے سربراہ تھے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

Print Friendly, PDF & Email

Comments

comments

یہ بھی پڑھیں