ڈیرہ غازی خان: صوبہ پنجاب کے شہر ڈی جی خان میں پاک فوج کے شہید حوالدارعبدالرب کی نمازجنازہ ادا کردی گئی۔
تفصیلات کے مطابق ڈیرہ غازی کان کےعلاقے ننکائی تونسی میں پاک فوج کے شہید حوالدارعبدالرب کی نمازجنازہ ادا کردی گئی۔
پاک فوج کے افسران، ضلعی انتظامیہ سمیت شہریوں کی بڑی تعداد نے نماز جنازہ میں شرکت کی۔
دوسری جانب نائیک خرم کی نماز جنازہ شام چار بجے ڈیرہ غازی خان میں ادا کی جائے گی۔
یاد رہے کہ گزشتہ روز پاکستان کی جانب سے امن کے پیغام کے بعد بھی بھارت نے جنگی جنون کا مظاہرہ کرتے ہوئے ایل اوسی پرفائرنگ وگولہ باری کی تھی جس کے نتیجے میں پاک فوج کے 2 جوان سمیت دو پاکستانی شہری شہید ہوگئے تھے۔
بھارتی فوج کی بلااشتعال فائرنگ، پاک فوج کے 2 جوان شہید
آئی ایس پی آر کے مطابق شہید ہونے والے دونوں جوان شہری آبادی پرفائرنگ کے جواب میں بھارتی چوکیوں کو نشانہ بنا رہے تھے۔
واضح رہے 27 فروری کو پاک فضائیہ نے سرحدی حدود کی خلاف ورزی کرنے والے 2 بھارتی طیارے مار گرائے تھے اور ایک بھارتی پائلٹ کو گرفتار کرلیا تھا۔
آئی ایس پی آر کے سربراہ میجر جنرل آصف غفور کے مطابق بھارت کے 2 طیارے لائن آف کنٹرول کے اطراف میں گر کر تباہ ہوئے، ایک طیارہ بھارتی مقبوضہ کشمیر کے علاقے بڈگام میں گرا، جبکہ دوسرا طیارہ پاکستان کی جانب گرا تھا۔
