The news is by your side.

Advertisement

ڈسکہ: شہید شاکراللہ کی نماز جنازہ ادا کردی گئی

سیالکوٹ: صوبہ پنجاب کے شہر سیالکوٹ میں شہید شاکراللہ کی نماز جنازہ ادا کردی گئی ہے۔

تفصیلات کے مطابق سیالکوٹ کی تحصیل ڈسکہ میں شاکراللہ کی نمازجنازہ ادا کردی گئی، شہریوں کی بڑی تعداد نے نماز جنازہ میں شرکت کی۔

شہریوں نے شاکراللہ کی میت پرپھولوں کی پتیاں نچھاورکیں، شاکراللہ کی تدفین جیسروالا گاؤں کے قبرستان میں ہوگی۔

بھارت نے جے پور کی جیل میں قید کے دوران تشدد کے بعد قتل کیے جانے والے شہری شاکراللہ کی میت پاکستانی حکام کے حوالے کی تھی۔

جے پور جیل میں قتل کیے گئے پاکستانی شاکر اللہ کی میت پاکستان پہنچ گئی

پاکستانی شہری شاکراللہ کی میت گزشتہ روز علی الصبح واہگہ بارڈر پرپہنچائی گئی تھی، شاکراللہ کی میت واہگہ بارڈر پرپاکستانی حکام کے حوالے کی گئی تھی، میت وصول کرنے کے لیے شاکراللہ کے اہل خانہ بھی موجود تھے۔

شاکراللہ کے بھائی شہزاد گلفام نے بتایا تھا کہ 47 سالہ شاکراللہ ذہنی مریض تھا۔ ان کا کہنا تھا کہ شاکراللہ شکرگڑھ کے نزدیک میلہ دیکھنے گیا تھا اور 2003 میں غلطی سے سرحد عبورکرگیا تھا۔

بھارت میں سفارتی ذمہ داریاں انجام دینے والے سابق سفیر عبدالباسط کا کہنا تھا کہ عوام کو کچھ نہیں کہہ سکتے کیوں بھارتی حکومت کا مؤقف ہی دہشت گردی اور انتہاپسندی پر مبنی ہے۔

سابق سفیر کا کہنا تھا کہ پاکستانی حکومت کو جے پور کی جیل میں قید شکور اللہ کے قتل میں ملوث افراد کو سخت سزا دینے کا مطالبہ کرنا چاہیے اور اسلام آباد میں موجود بھارتی سفیر کو طلب کرکے واقعے پر شدید احتجاج کرنا چاہیے۔

Comments

comments

یہ بھی پڑھیں