تازہ ترین

شہداء کی نماز جنازہ ادا، عوام بڑی تعداد میں شریک

کراچی: خیبرپختونخواہ کے ضلع مہمند میں شہید ہونے والے میجر عدیل شاہد کو فوجی اعزاز کے ساتھ سپردِ خاک کردیا گیا۔

تفصیلات کے مطابق مہمند میں شہید ہونے والے پاک فوج کے میجر کی نماز جنازہ کراچی میں ادا کی گئی جس کے بعد انہیں شہر قائد کے قبرستان میں فوجی اعزاز کے ساتھ سپردِ خاک کیا گیا۔

پاک فوج کے شعبۂ تعلقات عامہ (آئی ایس پی آر) کی جانب سے جاری اعلامیے کے مطابق نمازِ جنازہ میں وزیراعلیٰ سندھ مراد علی شاہ، کور کمانڈر کراچی اور دیگر سیاسی شخصیات نے شرکت کی۔

مزید پڑھیں: وطن کے دفاع کے لیے 2 اور سپوت اپنے فرائض انجام دیتے ہوئے شہید

ملک کی خاطر جان نچھاور کرنے والے پاکستان کے بیٹوں کو الوداع کہنے کے لیے عوام بڑی تعداد میں موجود تھے اور انہوں نے شہید کو شاندار انداز سے خراجِ عقیدت پیش کرتے ہوئے الوداع کیا۔

دوسری جانب کوٹلی میں شہیدسپاہی فرازحسین کی نمازجنازہ اداکی گئی جس کے بعد انہیں فوجی اعزاز کے ساتھ سپرد خاک کیا گیا۔  یاد رہے کہ میجرعدیل اور سپاہی فراز حسین پاک افغان سرحدپرباڑلگانے کےدوران شہیدہوئے تھے۔

Comments

- Advertisement -