زبیدہ آپا کی نماز جنازہ ادا کردی گئیFuneral Prayers of Zubaida Apa
The news is by your side.

Advertisement

ہردلعزیززبیدہ آپا کو سپردخاک کردیا گیا

کراچی:ہردلعزیز زبیدہ آپا کو سپردخاک کردیا گیا، شرکا کا کہنا ہے کہ زبیدہ آپا جیسی بڑی شخصیت ہم سے جدا ہوگئیں، خوش اخلاق شخصیت کی مالک تھی۔

تفصیلات کے مطابق معروف شیف، میزبان اور ماہر امور خانہ داری زبیدہ طارق کی نماز جنازہ کراچی میں سلطان مسجد ڈیفنس میں ادا کردی گئی، نماز جنازہ میں عزیز و اقارب، شوبز کی شخصیات کی شرکت کی جبکہ سیاسی جماعتوں کےرہنماؤں سمیت بڑی تعداد میں لوگوں بھی شریک ہوئے۔

جس کے بعد زبیدہ آپا کو ڈیفنس فیز سیون کے قبرستان میں سپردخاک کردیا گیا۔

اس موقع پر ہر دل غم سے بوجھل نظرآیا، شرکا کا کہنا تھا کہ زبیدہ آپا جیسی بڑی شخصیت ہم سے جدا ہوگئیں، زبیدہ آپا خوش اخلاق شخصیت کی مالک تھیں۔


مزید پڑھیں : زبیدہ آپا اب ہم میں نہیں رہیں


یاد رہے کہ گذشتہ رات مزیدار کھانوں کی ترکیبیں اور باورچی خانے و امور خانہ داری سے جڑے مسائل کا سادہ ٹوٹکوں سے حل بتانے میں مہارت رکھنے والی، نہایت نفیس طبعیت کی مالک اور مشرقی روایات کی امین، شفیق میزبان زبیدہ طارق المعروف زبیدہ آپا رضائے الہی سے انتقال کر گئی تھیں۔

معروف مصنف اور ادیب انور مقصود جو کہ زبیدہ طارق کے بھائی بھی ہیں نے میڈیا سے گفتگو میں زبید آپا کی انتقال کی خبر تصدیق کرتے ہوئے بتایا تھا کہ وہ چند دنوں سے بیمار تھیں اور مقامی اسپتال میں زیرعلاج بھی تھیں تاہم آج مختصر علالت کے بعد خالق حقیقی سے جا ملیں۔

زبیدہ آپا نے ایک بیٹے حسین طارق اور بیٹی صبا طارق کو سوگوار چھوڑا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں