دبئی: متحدہ عرب امارات کے سمندر میں دیوہیکل وہیل اپنے موج میں مگن تیرتی ہوئی نظر آئی جس کی دلچسپ ویڈیو سوشل میڈیا پر وائرل ہوگئی۔
تفصیلات کے مطابق یو اے ای کے محکمہ ماحولیات نے سماجی رابطے کی ویب سائٹ انسٹاگرام پر ایک پرلطف ویڈیو پوسٹ کی جس میں دیکھا جاسکتا ہے ایک بڑی قامت والی وہیل مچھلی خوشگوار موڈ میں تیررہی ہے۔
غیرملکی خبررساں ادارے کے مطابق یہ مچھلیاں برائڈز وہیل کے نام سے پہچانی جاتی ہیں جن کے دانت نہیں ہوتے، اور زیرسمندر کئی منٹ تک اپنی سانس روک سکتی ہیں۔ جبکہ آکسیجن کے لیے بہت مختصر وقت کے لیے سمندری سطح پر آتی ہیں۔ مذکورہ ویڈیو میں اسی وہیل کے عکس ہیں۔
محکمہ ماحولیات کا کہنا ہے کہ ان مچھلیوں کا وزن عموماً 20 سے 21 ٹن ہوتا ہے۔ جبکہ آبی جانورں میں ان کی عمریں کافی طویل ہوتی ہیں۔ ایک اندازے کے مطابق برائڈز وہیل 50 سے 70 سال جیتی ہیں۔