کراچی: شوبز انڈسٹری کے معروف اداکارہ فرقان قریشی نے اداکارہ فریال محمود کی تصویر شیئر کرکے مداحوں کو ہنسنے پر مجبور کردیا۔
پاکستانی ڈرامہ انڈسٹری کے معروف اداکار فرقان قریشی نے سماجی رابطے کی ویب سائٹ انسٹاگرام پر ساتھی اداکارہ فریال محمود کی تصویر شیئر کی جو سوشل میڈیا پر وائرل ہوگئی۔
اداکار کی جانب سے شیئر کی گئی تصویر میں دیکھا جاسکتا ہے کہ فریال محمود سبز رنگ کا لباس زیب تن کی ہوئی ہیں جبکہ فرقان قریشی نے سفید لباس کے ساتھ سرخ ویسٹ کوٹ پہنا ہوا ہے۔
تصویر میں دیکھا جاسکتا ہے کہ فریال محمود فرقان قریشی سے کچھ کہہ رہی ہیں اور وہ ان کی بات بڑے غور سے سن رہے ہیں۔
فرقال قریشی نے تصویر کے کیپشن میں فریال محمود کو ٹیگ کرتے ہوئے لکھا کہ ’فریال محمود پوری دنیا کو لعنت دیتے ہوئے۔‘
View this post on Instagram
اداکار کی اس پوسٹ پر جہاں مداح ہنسنے پر مجبور ہوگئے وہیں شوبز انڈسٹری کی اداکارہ انوشے عباسی نے بھی قہقہ لگایا۔
دوسری جانب فرقان قریشی کی یہ تصویر فریال محمود کی جانب سے بھی انسٹاگرام اسٹوری پر شیئر کی گئی ہے۔
واضح رہے کہ اداکار فرقان قریشی اے آر وائی ڈیجیٹل کے ڈرامے ’اولاد‘ میں عدنان نامی نوجوان کا کردار ادا کررہے ہیں، ڈرامے کی دیگر کاسٹ میں مرینہ خان، محمد احمد، سنیتا مارشل، حنا جاوید ودیگر شامل ہیں۔