کراچی: پاکستانی باکسر محمد وسیم نے ایک بار پھر حکومت سے مطالبہ کیا ہے کہ حکومت باکسنگ کی فنڈنگ کرے تو مزید اچھے نتائج آسکتےہیں۔
اے آر وائی نیوز کی جانب سے قومی ہیروز کو پزیرائی دینے کا سلسلہ جاری ہے، حال ہی میں ڈبلیو بی سی سلور ٹائٹل بھی جیتنے والے باکسر محمد وسیم نے آج اے آر وائی نیوز کے پروگرام ‘باخبر سویرا’ میں خصوصی گفتگو کی۔
محمد وسیم نے بتایا کہ کولمبین کھلاڑی سے فائٹ کافی مشکل تھی، میرےمد مقابل تجربہ کار فائٹر تھا، مقابلے کے لئے اس کی کئی ویڈیوز دیکھیں تھی اور ٹرینر نے بھرپور ٹریننگ سیشن کرائے، اللہ کے شکر سے کامیابی حاصل ہوئی۔
یہ بھی پڑھیں: پاکستانی باکسر محمد وسیم کا بڑا اعلان
ڈبلیو بی سی سلور ٹائٹل بھی جیتنے والے باکسر محمد وسیم نے پاکستان میں باکسنگ کا روشن مستقبل بہترین قرار دیتے ہوئے کہا کہ پاکستان میں باکسنگ کا مستقبل اچھا ہے، یہاں ٹیلنٹ موجود ہے، حکومت باکسنگ کی فنڈنگ کرےتومزیداچھے نتائج آسکتےہیں۔
واضح رہے کہ گذشتہ روز پاکستانی باکسر محمد وسیم نے وطن کی خاطر ایک مرتبہ پھر اولمپک فائٹ لڑنے کا اعلان کیا تھا، کولمبیا کے فائٹر رابر بریرا کو شکست دے کر ڈبلیو بی سی سلور ٹائٹل بھی جیتنے والے باکسر محمد وسیم کی جانب سے یہ اعلان اے آر وائی نیوز کے پروگرام ‘باؤنسر’ میں کیا گیا۔
محمد وسیم نے میزبان سے گفتگو کرتے ہوئے کہا کہ انہوں نے پاکستان کو ورلڈ نمبر بنوایا اور اب اولمپک میں میڈل بھی دلوائیں گے۔
خیال رہے کہ محمد وسیم کو ورلڈ بیلٹ فائٹ میں آنکھ پر زخم آیا تھا جس کے بعد محمد وسیم کو 21 ٹانکے لگے۔
