فیوژن بینڈ کی 9 سال بعد واپسی -
The news is by your side.

Advertisement

فیوژن بینڈ کی 9 سال بعد واپسی

معروف پاکستانی بینڈ فیوژن نے 9 سال بعد دھماکے دار واپسی کرتے ہوئے اپنا نیا گانا ’او کی جانے‘ جاری کردیا ہے۔

صوفیانہ کلام کو جدید موسیقی کے ساتھ ہم آہنگ کرنے والے منفرد بینڈ فیوزن نے اپنے نئے آنے والے البم کا پہلا گانا جاری کردیا ہے۔

گانا ’او کی جانے‘ کی شاعری پنجاب کے صوفی شاعر بابا بلھے شاہ کے کلام سے لی گئی ہے اور اس کی موسیقی کے لیے ڈرمز کا استعمال بھی کیا گیا ہے۔

گانے میں مرکزی آواز خرم اقبال کی ہے جبکہ شلم زیویئر اور ایمو نے موسیقارانہ جوہر دکھائے ہیں۔

گانے کی ریلیز کے موقع پر شلم زیویئر کا کہنا تھا کہ انہیں ہمیشہ سے لوگوں کی جانب سے بے حد پذیرائی ملی ہے اور ان کے گانوں کو بے حد پسند کیا جاتا رہا ہے اور اسی نے ان کو ایک بار پھر گانے کے لیے اکسایا ہے۔

انہوں نے کہا کہ اس گانے میں صوفی ازم کے ساتھ جدت کا ٹچ دیا گیا ہے جو یقیناً شائقین کو بے حد پسند آئے گا۔

خیال رہے کہ شفقت امانت علی بھی اس بینڈ کا حصہ رہے ہیں۔ فیوزن نے زیادہ تر صوفیانہ کلام کو گانوں کی شکل میں پیش کیا جنہیں بہت پسند کیا گیا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں