تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جاپان میں جی 7 ممالک نے یوکرین کو ایف 16 کی فراہمی پر اتفاق کر لیا

ہیروشیما: جاپان میں منعقدہ اجلاس میں جی 7 ممالک نے یوکرین کو ایف 16 کی فراہمی پر اتفاق کر لیا۔

غیر ملکی میڈیا رپورٹس کے مطابق جاپان کے شہر ہیروشیما میں G-7 سربراہی اجلاس میں امریکا اور اس کے اتحادیوں نے یوکرین کے پائلٹوں کو F-16 لڑاکا طیاروں کی تربیت اور طیارے دینے پر اتفاق کر لیا ہے۔

اس اقدام کو یوکرین کے صدر ولودیمیر زیلنسکی نے تاریخی فیصلہ قرار دیا، صدر زیلنسکی نے کہا کہ طیاروں کی فراہمی کا اقدام فضا میں ملک کی فوج کی طاقت بڑھائے گا۔

دوسری طرف روس نے کہا ہے کہ اگر مغربی ممالک نے یوکرین کو ایف سولہ لڑاکا طیارے فراہم کیے تو ان ممالک کو نتائج بھگتنے ہوں گے۔

روس نے یوکرین کے شہر باخموت پر مکمل قبضے کا دعویٰ کر دیا

امریکی صدر جو بائیڈن نے یوکرین کے لیے 375 ملین ڈالر کی فوجی امداد کا اعلان کیا ہے۔ بائیڈن نے جاپان کے شہر ہیروشیما میں منعقد ہونے والے گروپ آف سیون لیڈروں کے اجلاس کے آخری دن زیلنسکی کو بتایا کہ ’’پورے جی 7 کے ساتھ مل کر ہم یوکرین کی پشت پر ہیں اور میں وعدہ کرتا ہوں کہ ہم کہیں نہیں جا رہے۔‘

واضح رہے کہ روس نے یوکرین کے شہر باخموت پر مکمل قبضہ کرنے کا دعویٰ کیا ہے، صدر ولادیمیر پیوٹن نے مشرقی شہر پر قبضہ کرنے پر اپنے فوجیوں اور کرائے کے فوجی ویگنر گروپ کو مبارک باد دی ہے۔ ہفتے کے روز یہ روسی اعلان اس وقت سامنے آیا جب چند ہی گھنٹے قبل کیف نے کہا کہ شہر میں جنگ ابھی بھی جاری ہے، تاہم کیف نے یہ تسلیم کیا کہ باخموت میں صورتحال ’نازک‘ ہے۔

Comments

- Advertisement -