تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

مشکل حالات کے باوجود پاکستانی عوام ہرحال میں خوش، دنیا والے بھی حیران

کراچی : پاکستان میں کورونا وائرس، مہنگائی اور معاشی پریشانیوں کے باجود 65 فیصد پاکستانی ہر مشکل میں خوش نظر آرہے ہیں، خوش رہنے والے ممالک میں پاکستان دنیا کے چوتھے نمبر پر ہے۔

یہ بات درست ہے کہ ملک میں کورونا وائرس کی صورتحال بھی زیادہ بہتر نہیں اور مہنگائی عروج پر ہے، نوکری پیشہ ہو یا کاروباری شخصیت ہر کوئی اپنی پریشانی کا رونا روتا ہے لیکن ایک سروے میں یہ انکشاف ہوا ہے کہ آدھے سے زیادہ پاکستانی عوام ہرحال میں خوش ہے۔

اس حوالے سے کیے گئے گیلپ پاکستان کے سروے میں یہ بات سامنے آئی ہے کہ ملکی حالات کیسے ہی کیوں نہ ہوں لیکن پاکستانی خوش رہنے کا فن جانتے ہیں۔

گیلپ پاکستان کے سروے کے مطابق65 فیصد پاکستانی مسائل کے باوجود خوش رہتے ہیں جبکہ25 فیصد ناخوش ہوجاتے ہیں، سروے میں پاکستانیوں کی خوشی کا نیٹ اسکور 40 فیصد پر دیکھا گیا۔

اے آر وائی نیوز کے پروگرام باخبر سویرا میں گفتگو کرتے ہوئے گیلپ پاکستان کے ایگزیکٹو ڈائریکٹر بلال گیلانی کا کہنا تھا کہ پاکستانی ایک پر امید قوم ہیں، لیکن ہمیں یہ بات بھی یاد رکھنا چاہیے کہ واقعی پاکستانی عوام مشکل میں ہیں۔

۔گیلپ پاکستان کے سروے میں 65 فیصد پاکستانیوں نے تمام مسائل کے باوجود زندگی سے خوش ہونے کا کہا جبکہ25 فیصد نے ناراض ہونے کا بتایا، 8 فیصد نے درمیانہ مؤقف اختیار کیا جبکہ 2 فیصد نے اس سوال کا کوئی جواب نہیں دیا۔

Comments

- Advertisement -