گیم آف تھرونز: ڈرامائی محبت کرنے والے اداکاروں کی حقیقی شادی
The news is by your side.

Advertisement

گیم آف تھرونز: ڈرامائی محبت کرنے والے اداکاروں کی حقیقی شادی

نیویارک: شہرہ آفاق امریکی ڈرامے ’گیم آف تھرونز‘ کے کردار افسانوی محبت کو حقیقی زندگی میں اپناتے ہوئے رشتہ ازدواج میں منسلک ہوگئے۔

تفصیلات کے مطابق نامور امریکی ڈرامے میں جون سون کا کردار ادا کرنے والے 31 سالہ برطانوی اداکار کٹ ہیرنگٹن نے اپنی ساتھی اداکارہ کے ساتھ گیم آف تھرونز میں محبت کا کردار ادا کیا۔

دونوں اداکاروں نے اپنی بڑھتی ہوئی قربت اور محبت کا اظہار ایک دوسرے سے کیا اور گزشتہ روز انہوں نے اسکاٹ لینڈ کے شہر برڈین میں مذہبی رسم ادا کر کے زندگی بھر ایک دوسرے کا ساتھ دینے کا اعلان کیا۔

گیم آف تھرونز نے سماجی رابطے کی ویب سائٹ پر دونوں اداکاروں کی شادی کی تصاویر اور ویڈیوز شیئر کیں جس میں دیکھا جاسکتا ہے کہ ڈرامے میں کردار ادا کرنے والی پوری کاسٹ نے مذہبی رسم میں شرکت کی علاوہ ازیں اہل خانہ اور ہالی ووڈ انڈسٹری کی معروف شخصیات بھی تقریب میں شریک تھیں۔

عالمی دنیا میں ایک نیا رجحان متعارف کرانے والے ڈرامے کے کرداروں نے اپنی شادی کی تیاریاں ڈرامے کی تھیم پر کیں، حیران کن طور پر دونوں گیم آف تھرونز میں ایک دوسرے کے پریمی تھے مگر اختلافات کی وجہ سے ایک نہیں ہوسکے تھے۔

برطانوی میڈیا کے مطابق دونوں اداکاروں کے درمیان محبت کا رشتہ گزشتہ کئی برس سے جاری تھا تاہم انہوں نے 2016 میں شادی کا فیصلہ کرنے کے بعد سرعام ملاقاتوں کا سلسلہ شروع کر دیا تھا۔

گیم آف تھرونز میں دونوں اداکاروں کو جنگجو کے طور پر بھی دکھایا گیا البتہ چوتھے سیزن میں روز لیزلی کو قتل کردیا گیا تھا جس کی وجہ سے ہیرنگٹن کی داستانِ محبت نامکمل رہی تھی البتہ انہوں نے اس کہانی کو حقیقی زندگی میں مکمل کر کے دکھایا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں