The news is by your side.

Advertisement

کراچی :کباڑی کے گودام سے چوری شدہ اور چھینی گئی موٹرسائیکلوں کے پارٹس سے بھرا ٹرک برآمد

کراچی : اے وی ایل سی نے کباڑی کے گودام سے چوری شدہ اور چھینی گئی موٹرسائیکلوں کے پارٹس سے بھراٹرک برآمد کرلیا اور 6ملزمان گرفتار کرلئے۔

تفصیلات کے مطابق کراچی کے علاقے اجمیر نگری میں خفیہ اطلاع پر اےوی ایل سی نے چھاپہ مارا، چھاپے کے دوران کباڑی کے گودام میں موٹرسائیکل پارٹس سے بھراٹرک برآمد کرلیا گیا۔

ایس ایس پی اےوی ایل سی عارف اسلم راؤ نے کہا چھاپہ ٹرک شیر شاہ مارکیٹ روانہ ہوتے وقت ماراگیا، اس دوران اسپیشلائزڈ ٹیم نے 6ملزمان گرفتار کرلئے جبکہ کباڑیہ فرار ہو گیا، ملزمان میں ریحان، اسماعیل، سجاد حیدر، محمدریاست، محرم اور نور نبی شامل ہیں۔

عارف اسلم راؤ کا کہنا تھا کہ ٹرک سے سیکڑوں موٹرسائیکلوں کے پارٹس ملے ہیں، پارٹس مشتبہ چوری شدہ ،چھینی گئی موٹرسائیکلوں کےہیں،ابتدائی تفتیش میں مزید انکشافات سامنے آئے ہیں۔

ایس ایس پی اےوی ایل سی نے بتایا کہ کراچی میں کئی مقامات پر چوری شدہ موٹرسائیکلوں کوکھولا جاتا ہے، فریم پھینک کرباقی ساراسامان کباڑی گودام منتقل کیاجاتا ہے اور کباڑی گودام سے سامان ٹرکوں کےذریعےشیرشاہ بھیجا جاتا ہے۔

کراچی:برآمد شدہ سامان کی جانچ پڑتال کی جارہی ہے اور کباڑ خانے کے مالک کی تلاش میں چھاپے مارے جارہے ہیں۔

Comments

یہ بھی پڑھیں