The news is by your side.

Advertisement

کراچی : آٹھ سالہ بچی چورگینگ کی ماسٹرمائنڈ نکلی، ویڈیو سامنے آگئی

کراچی : شہر قائد میں چور عورتوں کے گروپ کی کئی کارروائیاں سامنے آئی ہیں، آٹھ سال کی بچی چور گینگ کی ماسٹر مائنڈ نکلی، پولیس نے ملزمان کی تلاش شروع کردی۔

تفصیلات کے مطابق کراچی میں آٹھ سال کی بچی دو عورتوں کے ساتھ مل کر چوریاں کررہی ہے، بچی اور دو خواتین کا گروہ مختلف دکانوں اور بیوٹی پارلرز میں داخل ہو کر وارداتیں کرتا ہے، یہ خواتین گلستان جوہر اور کلفٹن میں بھی اپنے ہاتھ کی صفائی دکھا چکی ہیں۔

اے آر وائی نیوز کو موصول سی سی ٹی وی فوٹیج میں دیکھا جاسکتا ہے کہ لال رنگ کی ٹی شرٹ پہنے یہ چھوٹی سی بچی بڑی بڑی چوریاں کررہی ہے۔

یہ گلستان جوہر کے بیوٹی پارلر کی سی سی ٹی وی فوٹیج ہے، جس میں یہ تینوں دکان میں داخل ہوئیں، بچی نے پہلے سیٹ پر رکھا ایک پرس دیکھا، پھر یہ بچی خواتین کے ساتھ کمرے میں گئی اور جلدی سے واپس آکر بیگ سے پیسے نکال لیے۔

اس کے علاوہ کلفٹن گلاس ٹاور میں بھی یہ گروہ بچی کی معصومیت کا فائدہ اٹھا چکا ہے۔ بچی دکان میں گھسی دکاندار کے باہر جاتے ہی کاؤنٹر سے پیسے نکا ل کر جیب میں ڈال لیے، پولیس سی سی ٹی وی فوٹیج کی مدد سے اس گروہ کو تلاش کررہی ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

Comments

comments

یہ بھی پڑھیں