کراچی مویشی منڈی میں لوٹ مار کرنے والی 4 خواتین گرفتار -
The news is by your side.

Advertisement

کراچی مویشی منڈی میں لوٹ مار کرنے والی 4 خواتین گرفتار

کراچی : عید قرباں کے موقع پر شہر قائد میں لگنے والی مویشی منڈی میں لوٹ مار کرنے والی چار خواتین کو گرفتار کرلیا گیا۔

اے آر وائی نیوز کے نمائندے انور خان کے مطابق آج مویشی منڈی کا آخری دن ہے اور آخری دن ایسے واقعات نظر آتے ہیں، عید الاضحی کے موقع پر کراچی کی مویشی منڈی میں رحیم یار خان سے تعلق رکھنے والے بیوپاری اپنے دیگر عملے کے ساتھ پیسے جمع کر رہے تھے، اس دوران چار خانہ بدوش خواتین نے گائے کی قیمت پوچھتے ہوئے 60 ہزار روپے چوری کرلیے۔


قربانی کے لیے چھری تلے خود لیٹ جانے والا حیرت انگیز جانور


اس دوران وہاں شور مچا تو خواتین وہاں سے بھاگنے لگیں منڈی میں موجود سیکiورٹی عملے نے چار خواتین کو حراست میں لے لیا۔  تفتیش کے دوران گرفتار خواتین کا کہنا تھا کہ وہ منڈی میں چارہ فروخت کرتی ہیں، چوری کا الزام بے بنیاد ہے ۔ دوسری جانب بیوپاری کا کہنا تھا کہ منڈی میں ہونے والے دیگر چوری کے واقعات میں یہ چار خواتین اور ان کا گرہ ملوث ہے۔

منڈی انتظامیہ نے چاروں خواتین کو پولیس کے حوالے کردیا اور اس حوالے سے مزید تفتیش جاری ہے۔

Comments

comments

یہ بھی پڑھیں