سندھ کے ضلع مٹیاری کی تحصیل نیوسعیدآباد میں ٹک ٹاکر لڑکی سے اجتماعی زیادتی کا افسوسناک واقعہ پیش آیا ہے۔
تفصیلات کے مطابق لڑکی کو ٹک ٹاک بنانے کے بہانے بلاکر 3 لڑکوں نے زیادتی کا نشانہ بنایا۔ ٹک ٹاکر لڑکی کی جانب سے وقارملاح اور اس کے ساتھیوں پر اجتماعی زیادتی کا الزام عائد کیا گیا ہے۔
معاملہ سوشل میڈیا پر آنے کے بعد پولیس نےکیس درج کر لیا لیکن کوئی گرفتاری عمل میں نہیں آئی اور ملزمان تاحال آزاد ہیں۔
متاثرہ لڑکی کا کہنا ہے کہ کیس درج ہونے کے بعد بھی پولیس نے نامزد ملزمان کو گرفتار نہیں کیا ملزمان مجھے پریشان کر کے دھمکیاں دے رہے ہیں اگر کچھ بھی ہوا تو میری موت کے ذمہ دار نامزد ملزمان ہوں گے۔
