The news is by your side.

Advertisement

گینگ واردہشتگرد شہریار پٹنی نے درجن سے زائد قتل کئے، تفتیشی رپورٹ

کراچی : شہر قائد میں درجن سے زائد لوگوں کے قتل میں ملوث گینگ وار دہشت گرد شہریار پٹنی نے قانون کی گرفت میں آتے ہی اہم انکشافات کردیئے۔ ملزم نے ساتھیوں کے ہمراہ درجن سے زائد قتل کیے۔

تفصیلات کے مطابق گرفتار گینگ وار دہشت گرد شہریار پٹنی کی تفتیشی رپورٹ اے آروائی نیوز نے حاصل کرلی ہے، رپورٹ میں کہا گیا ہے کہ شہریار پٹنی نے ساتھیوں کے ہمراہ درجن سے زائد قتل کیے۔

تحقیقاتی رپورٹ کے مطابق شہریار پٹنی عرف شیری کانڑاں کا تعلق شیراز کامریڈ، سنی گروپ کمانڈر ماما لاسی سے تھا۔ شہریارپٹنی نے دہشت گردی اور بھتہ خوری کے لیے چھبیس رکنی ٹیم بنائی ہوئی تھی۔


مزید پڑھیں: لیاری میں پولیس کی کارروائی‘3 گینگ وارملزمان ہلاک


ملزم نے دوہزار تیرہ میں ٹرکس بیکری کی گلی میں ایم کیوایم یونٹ پر فائرنگ کرکے کئی افراد کو موت کی نیند سلایا، دوہزار تیرہ میں ہڑتال کے دوران میمن سوسائٹی میں میڈیکل اسٹور کے مالک کو سرپر گولیاں ماریں۔


مزید پڑھیں: گلستان جوہر، دہرے قتل میں ملوث گینگ وارکے کارندے گرفتار


رپورٹ کے مطابق ملزم نے انکشاف کیا ہے کہ اس نے قتل کی زیادہ تر کارروائیاں ساتھیوں کا بدلہ لینے کے لیے کیں، ملزم دکانداروں اور ہوٹلوں سے بھتہ بھی لیتا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں