The news is by your side.

Advertisement

نسلہ ٹاور کے پانی ، بجلی اور گیس کے کنکشنز منقطع کر دیئے گئے

کراچی: نسلہ ٹاور کے پانی ، بجلی اور گیس کے کنکشنز منقطع کر دیئے گئے ، سپریم کورٹ نے 7روز میں فلیٹ خالی کرنے کیلئے احکامات دیئے ہیں۔

تفصیلات کے مطابق ضلعی انتظامیہ کانسلہ ٹاور کو گرانے سے متعلق حکمت عملی پر عملدرآمد کا آغاز کردیا ، نسلہ ٹاور کے پانی ،بجلی اور گیس کے کنکشنز منقطع کر دیئے گئے۔

سوئی سدرن گیس کمپنی نے نسلہ ٹاور کے 100گیس کنکشن منقطع کئے، جس کے بعد کراچی رہائشیوں کی بڑی تعداد گھروں سے باہر نکل آئی۔

اسسٹنٹ کمشنر فیروز آبادکی سربراہی میں گیس کنکشن کاٹے گئے، سپریم کورٹ نے 7روز میں فلیٹ خالی کرنے کیلئےاحکامات دیئے ہیں۔

خیال رہے نسلہ ٹاور کو کنڑولڈ بلاسٹنگ کے ذریعے مسمار کرنے کے معاملے پر کمشنر کراچی نے اہم اجلاس طلب کرلیا ، جس میں حکمت عملی تیار کی جائے گی۔

کمشنر کراچی آقبال میمن کا کہناہے کہ عدالتی احکامات کی روشنی میں انتظامی امور تیزی سے جاری ہیں ، تمام معاملات کو مانیٹر کررہا ہوں۔

دوسری جانب سپریم کورٹ کے حکم پر نسلہ ٹاور کو کنٹرولڈ بلاسٹنگ کے ذریعے مسمار کرنے کے معاملے پر کمشنر کراچی نے ایف ڈبلیو او حکام سے معاونت کی درخواست کردی۔

Comments

یہ بھی پڑھیں