تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وزیر اعظم عمران خان کی ایک ہفتے میں گیس کی کمی پوری کرنے کی ہدایت

اسلام آباد : وزیراعظم عمران خان نے کہا ہے کہ ایک ہفتے کے اندر ملک بھر میں گیس کی کمی پورا کرنے کیلیے اقدامات کیے جائیں،انکوائری کمیٹی نے سوئی ناردرن اورسدرن کےایم ڈیز کو گیس بحران کا ذمہ دارقرار دے دیا۔

تفصیلات کے مطابق وزیراعظم عمران خان کی زیرصدارت کابینہ کمیٹی برائے توانائی کا اجلاس اسلام آباد میں ہوا، اس موقع پر وزیر اعظم کو حالیہ گیس بحران کی انکوائری رپورٹ پیش کی گئی۔

اس حوالے سے ذرائع کا کہنا ہے کہ انکوائری رپورٹ کے مطابق سوئی ناردرن اور سوئی سدرن کے ایم ڈی گیس بحران کے ذمہ دار قرار پائے ہیں، کابینہ کمیٹی نے دونوں ایم ڈیز کی فوری بر طرفی کی سفارش کر دی، دونوں ایم ڈی کی برطرفی کی سفارشات وزارت پٹرولیم کو ارسال کردی گئی ہیں۔

اجلاس سے خطاب کرتے ہوئے وزیراعظم نے متعلقہ حکام کو ایک ہفتے میں ملک بھر میں میں گیس کی کمی پورا کرنے کی ہدایت دی، اس کے علاوہ وزیراعظم نے بجلی کی چوری کے خلاف کریک ڈاؤن تیز کرنے کیلیے احکامات جاری کیے، وزیراعظم عمران خان کا مزید کہنا تھا کہ بجلی چوری کا خمیازہ عوام بھگتیں یہ کسی صورت قبول نہیں۔

اس موقع پروزیراعظم کو گیس اور بجلی کی طلب اور رسد سے متعلق بریفنگ دی گئی، بریفنگ میں بتایا گیا کہ سسٹم میں سے بارہ سے تیرہ فیصد گیس چوری ہو رہی ہے، گیس کے شعبے میں سالانہ نقصان تقریباً50ارب روپے ہے۔

اس کے علاوہ وزیراعظم کو غیر قانونی طور پر گیس کمپریسرز کے استعمال اور بجلی چوری کی روک تھام سے متعلق اقدامات سے بھی آگاہ کیا گیا، بریفنگ میں مزید کہا گیا کہ بجلی چوری کے خلاف کریک ڈاون سے اب تک ڈیڑھ ارب روپے کی بچت ہوئی ہے۔

Comments

- Advertisement -