The news is by your side.

Advertisement

کراچی میں گیس کا بحران بدترین ہو گیا

ملک کے سب سے بڑے اقتصادی و معاشی حب کراچی میں گیس کا بحران بدترین ہوگیا، شہر کے ‏تمام انڈسٹریل زون کو گیس کی فراہمی بند کردی گئی۔ ‏

ذرائع ایکسپورٹ انڈسٹری کے مطابق تمام انڈسٹری کو گیس کی فراہمی بند کردی گئی ہے اور ‏ایکسپورٹ انڈسٹری کو بھی گیس نہیں مل رہی ہے جب کہ کیپٹو پاور پلانٹس کو بھی گیس کی ‏فراہمی نصف کردی گئی ہے۔

ترجمان ایس ایس جی سی کا کہنا ہےکہ صرف ایکسپورٹ انڈسٹری کو گیس دے رہے ہیں کمپنی کو ‏اس وقت گیس کی اشد کمی کا سامنا ہے ، گیس فیلڈڑ سے لگ بھگ 200 سے 250 ایم ایم سی ایف ‏ڈی کم مل رہی ہے۔ ‏

ترجمان کے مطابق قلت کی سبب گھریلو صارفین کو گیس پہچانے میں انتہاٸی دشواری کا سامنا ہے ‏تاہم گیس لوڈ مینیجمنٹ سپلاٸی پالیسی کے تحت گھریلو صارفین کو گیس پہچانا پہلی اولین ترجیح ‏ہے۔

ترجمان کا کہنا ہے کہ گھریلو صارفین کو گیس پہچانے کی غرض سے نان ایکسپورٹ انڈسٹری کو ‏‏100 فیصد گیس کی ترسیل ختم کردی ہے جبکہ کیپٹو پاور کی گیس سپلاٸی میں بھی 50 فیصد کمی ‏کی گٸی ہے۔

Comments

یہ بھی پڑھیں