ڈھاکا: بنگہ دیش کی مسجد میں نماز کے دوران خوفناک دھماکا ہوا جس کے نتیجے میں 16 نمازی شہید اور متعدد زخمی ہوگئے۔
غیرملکی میڈیا کی رپورٹس کے مطابق بنگلہ دیش کے دارالحکومت ڈھاکا کی مسجد میں گیس پائپ لائن پھٹنے سے دھماکا ہوا جس کے نتیجے میں 16 نمازی شہید اور متعدد زخمی ہوگئے۔
دھماکے میں شہید اور زخمی افراد کو فوری طور پر قریبی اسپتال منتقل کیا گیا جہاں زخمیوں کو طبی امداد کی فراہمی جاری ہے۔
پولیس کے مطابق دھماکا جمعے کی شام اس وقت ہوا جب نماز اختتام پر تھی، دھماکے کی آواز دور دراز تک سنی گئی اور قریبی گھروں کے شیشے ٹوٹ گئے۔
دھماکے کے بعد لواحقین اپنے پیاروں کو تلاش کرنے کے مسجد کے باہر پہنچے۔
ابتدائی تحقیقات کے مطابق مسجد میں پائپ لائن سے گیس لیک ہوئی جیسے ہی مسجد کا اے سی (ایئر کنڈیشن) کھولا گیا تو دھماکا ہوگیا۔
دھماکے سے مسجد کی کھڑکیاں اور دیواریں بھی تبا ہوگئی، آخری اطلاعات کے مطابق دھماکے میں کئی زخمیوں کی حالت تشویش ناک ہے۔
