The news is by your side.

چین اور روس اہم سنگ میل حاصل کرنے کے قریب

ماسکو: چین اور روس کی قربت کا ایک اور منصوبہ جلد پایہ تکمیل تک پہنچنے والا ہے۔

خبر ایجنسی کے مطابق روس کی جانب سے چین تک میگا گیس پائپ لائن کی تعمیر تکمیلی مراحل میں داخل ہوگئی ہے، ماسکو نے مشرقی روٹ کی پائپ لائن کےایک اہم حصےپرکام مکمل کرلیا ہے۔

چینی خبرایجنسی کے مطابق پائپ لائن پانچ ہزار111کلومیٹرطویل ہےجس سےچین کو گیس فراہم کی جائے گی، اس منصوبے کی مدد سے روس چین کوسال دو ہزار چوبیس میں سالانہ38بلین مکعب میٹرقدرتی گیس فراہم کریگا۔

روس نے اس پائپ لائن کو ‘سِیلا سِیبیری‘ کا نام دیا ہے جو کہ روسی زبان کا لفظ ہے، جس کا اردو میں مطلب ‘سائبیریا کی طاقت’ ہے۔

پائپ لائن کے ذریعے یہ گیس روس سے چین کے شہر شنگھائی تک پہنچائی جائے گی، چین کے ریاستی علاقے میں اس پائپ لائن کی مجموعی لمبائی تین ہزار کلومیٹر بنتی ہے۔

یہ پائپ لائن بیجنگ اور ماسکو کے مابین اس تجارتی معاہدے کا حصہ ہے، جس پر روس کی طرف سے سرکاری انتظام میں کام کرنے والے اور تیل اور گیس کے شعبوں میں اجارہ داری کے حامل ریاستی ادارے ‘گیس پروم‘ اور چینی کمپنی سی این پی سی نے دستخط کیے تھے۔

Comments

یہ بھی پڑھیں