ترجمان سوئی سدرن کے مطابق صنعتوں اور سی این جی سیکٹر کےلیے 24 جنوری سے 48 گھنٹے گیس بند رہے گی۔
ترجمان کے مطابق گیس بندش کا فیصلہ موسمِ سرما میں گیس کی بڑھتی ہوئی طلب کے پیشِ نظر کیا گیا، گھریلو اور کمرشل صارفین کو بہتر گیس پریشر فراہم کرنے کے لیے صنعتوں کے لیے گیس بند کی جارہی ہے۔
صنعتوں، کیپٹیو پاورپلانٹس اور سی این جی اسٹیشنز کو ہفتہ کو صبح 8 بجے سے پیرصبح 8 بجے تک گیس بند رہے گی، گھریلو اور کمرشل صارفین کو پہلے ہی رات 10 بجے سے صبح 5 بجے تک گیس کی فراہمی منقطع رکھی جاتی ہے۔
واضح رہے کہ سوئی سدرن کمپنی کی جانب سے چند روز قبل بھی گھریلو صارفین کو گیس کی فراہمی کے لیے سی این جی اور صنعتی سیکٹر کو گیس کی فراہمی بند کی گئی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں