site
stats
پاکستان

پی ایس ایل فائنل: اسٹیڈیم کے اطراف گیس کی فراہمی بند

لاہور: پی ایس ایل فائنل کے لاہور میں محفوظ انعقاد کے لیے 3 مارچ سے 6 مارچ تک اسٹیڈیم کے اطراف موجود کمرشل ایریا کو گیس کی فراہمی بند کردی گئی۔

تفصیلات کے مطابق 5 مارچ کو قذافی اسٹیڈیم میں ہونے والے پی ایس ایل فائنل میچ کے لیے سخت حفاظتی اقدامات دیکھنے میں آرہے ہیں اور کسی ناخوشگوار واقعے سے محفوظ رہنے کے لیے اسٹیڈیم کے اطراف موجود کمرشل ایریا کو گیس کی فراہمی معطل رکھی جائے گی۔

سوئی ناردرن گیس کی جانب سے ایک اعلامیہ جاری کیا گیا ہے جس میں بتایا گیا ہے کہ قذافی اسٹیڈیم کے اطراف دکانوں، شاپنگ مالز اور دیگر صنعتی اداروں کو گیس کی فراہمی 3 مارچ سے 6 مارچ تک مکمل بند رہے گی۔

یہ پڑھیں : قذافی اسٹیڈیم کے گرد دکانیں کل سے 5 مارچ تک بند رکھنے کا فیصلہ

واضح رہے کہ پنجاب پولیس نے پہلے ہی اسٹیڈیم کے اطراف کاروباری علاقے کو بند کرنے کا عندیہ دے دیا تھا جب کہ اسٹیڈیم کے اطراف شاہراہوں کے استعمال سے پہلے سخت سیکیورٹی حصار سے گزرنا ہوگا جس کے لیے چیکنگ پوسٹ قائم کردی گئی ہیں۔

پی ایس ایل فائنل میچ کا لاہور میں انعقاد سے جہاں بین الاقوامی کرکٹ کی بحالی کا امکان ظاہر کیا جارہا ہے وہیں اس ایونٹ کے محفوظ انعقاد کے لیے اٹھائے گئے سخت سیکیورٹی اقدامات سے عوام کو مشکلات کا سامنا بھی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top