ٹی 20 ورلڈ کپ میں اسپورٹس مین اسپرٹ نظر انداز کرنے پر سابق بھارتی کرکٹر گوتم گمبھیر آسٹریلوی اوپنر ڈیوڈ وارنر پر برس پڑے۔
تفصیلات کے مطابق ٹی 20 ورلڈ کپ کے سیمی فائنل میں حفیظ کے ہاتھ سے گیند پھسلی اور دو ٹپے کھاتے ہوئے وارنر کے پاس گئی، امپائر نے گیند کو نوبال قرار دیا پھر بھی وارنر نے گیند کو چھوڑنے کے بجائے اس پر چھکا لگا دیا۔
بھارتی ٹیم کے سابق اوپنر گوتم گمبھیر بھی وارنر کی اس حرکت پر خاموش نہ رہ سکے اور انہیں آڑے ہاتھوں لے لیا۔
گوتم گمبھیر نے اپنی ٹویٹ میں وارنر کی اس حرکت کو گیم آف اسپرٹ کے خلاف قابل افسوس حرکت قرار دیا جبکہ انہوں نے بھارتی ٹیم کے اسپنر ایشون کو ٹیگ کرکے ان سے سوال کیا۔
What an absolutely pathetic display of spirit of the game by Warner! #Shameful What say @ashwinravi99? pic.twitter.com/wVrssqOENW
— Gautam Gambhir (@GautamGambhir) November 11, 2021
واضح رہے کہ آسٹریلیا نے پاکستان کو ٹی 20 ورلڈ کپ کے دوسرے سیمی فائنل میں پانچ وکٹوں سے شکست دے کر فائنل کے لیے کوالیفائی کیا۔
آسٹریلیا نے پاکستان کی جانب سے دیا جانے والا 177 رنز کا ہدف 19ویں اوور میں 5 وکٹوں کے نقصان پر حاصل کرلیا، میتھیو ویڈ کو 41 رنز کی جارحانہ اننگز کھیلنے پر میچ کا بہترین کھلاڑی قرار دیا گیا تھا۔
