The news is by your side.

گوتم گمبھیر نے ویرات کے خلاف بیان دیکر نیا محاذ کھول دیا

ممبئی: سابق بھارتی کرکٹر گوتم گھمبیر نے سوریا کمار یادیو کی بیٹنگ آرڈر میں تبدیلی کا مطالبہ کردیا۔

تفصیلات کے مطابق ایک بیان میں سابق بھارتی اوپنر بیٹر گوتم گھمبیر نے کہا کہ میں ذاتی طور پر محسوس کرتا ہوں کہ سوریاکمار یادیو کی بلےبازی کرنے کی صیحح جگہ نمبر تین پوزیشن پر ہے۔

سابق بھارتی کرکٹر نے کہا کہ یہ طریقہ کار صرف ورلڈکپ تک استعمال کرلیں پھر آپ کو اس کا نتیجہ نظر آجائے گا۔

واضح رہے کہ اس وقت بھارتی ٹیم میں نمبر تین پر ویرات کوہلی بیٹنگ کررہے ہیں جنہوں نے گذشتہ روزطویل عرصہ بعد اپنی فارم کو بحال کرتے ہوئے ہانگ کانگ کے خلاف ٹی ٹوئنٹی میچ میں نصف سینچری اسکور کی تھی۔

یہ بھی پڑھیں: بھارت نے ہانگ کانگ کو باآسانی زیر کرلیا

میچ کی خاص بات سوریا کمار یادیو کی جارحانہ بلے بازی تھی، جنہوں نے محض 26 گیندوں پر 68 رنز کی شاندار اننگز کھیلتے ہوئے ہانگ کانگ بولرز کا بھرکس نکال دیا تھا۔

بھارت نے مذکورہ میچ 43 رنز کے ساتھ جیت کر ایشیا کپ ٹی ٹوئنٹی کے سپر فور مرحلے میں جگہ بنائی تھی۔

ادھر بھارتی کرکٹ ٹیم کے بیٹر سوریا کمار یادو کا کہنا ہے کہ میں کسی بھی نمبر پر بیٹنگ کر سکتا ہوں، مجھے کوئی مسئلہ نہیں ہو گا۔

بھارت اور ہانگ کانگ میچ کے بعد پریس کانفرنس کرتے ہوئے سوریا کمار یادو کا کہنا تھا کہ مجھے ٹیم مینجمنٹ جس نمبر پر بیٹنگ کا بولے گی میں اس نمبر پر کھیلنے کے لیے تیار ہوں۔

Comments

یہ بھی پڑھیں