site
stats
پاکستان

گوادر : وزیراعظم نواز شریف آج گوادرکا دورہ کریں گے

گوادر : بلوچستان میں دہشت گردوں اس وقت پھروار کیا جب پاک چین راہداری کے حوالےسے آج اہم ترین تقریب منعقد کی جا رہی ہے،گوادرکی بندرگاہ سے آج چینی سامان کےکنٹینرروانہ ہورہےہیں،تقریب کےمہمان خصوصی وزیراعظم نوازشریف ہونگے۔

تفصیلات کے مطابق وزیراعظم نوازشریف آج اتوار کو گوادر کا دورہ کریں گے۔ وہ گوادرپورٹ سے پہلے میگا پائلٹ ٹریڈ کارگو روانہ کرنے کی مرکزی تقریب سے خطاب کریں گے۔

سی پیک منصوبے کے تحت پہلامیگا تجارتی قافلہ گوادر پہنچ گیا، پاک فوج اوردیگر سیکیورٹی ایجنسیوں کے حفاظت میں چین سے پچاس ٹرکوں پرروانہ ہوا۔ جوپاک چین راہداری سے گذرکرگوادر پہنچا۔

تجارتی قافلے میں آنے والا سامان اتوار کو گوادر کی بندرگاہ سے مشرق وسطیٰ کے لیے روانہ کیا جائے گا، بندرگاہ ذرائع کے مطابق 13 نومبر کو تقریباً 400 کنٹینرز مال ایکسپورٹ ہو گا۔

مزید پڑھیں : پاک چین اقتصادی راہداری، پہلا تجارتی قافلہ گوادر پہنچ گیا

تمام کنٹینرز سیمنٹ کے ہیں جو سری لنکا اور متحدہ عرب امارات ایکسپورٹ کیے جا رہے ہیں، ایک جہاز کولمبو اور دوسرا دبئی جائے گا۔ واضح رہے کہ گوادر بندرگاہ سے ہر ماہ چینی کنٹینرز ایکسپورٹ کیے جائیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top