The news is by your side.

Advertisement

گوادر پورٹ : کارگو کنٹینرز جہاز مشرق وسطیٰ اور افریقی ممالک روانہ

گوادر: بحریہ کے جہازوں کی نگرانی میں گوادر پورٹ پر کارگو جہازوں کی آمدورفت جاری ہے۔ کارگو کنٹینرز جہاز مشرق وسطیٰ اور افریقی ممالک روانہ ہوگئے۔

ترجمان پاک بحریہ کے مطابق آج کارگو کنٹینرز مرچنٹ ویسل کاسکو ویلنگٹن اور الحسین جہاز مشرق وسطیٰ اور افریقی ممالک کی جانب روانہ ہوگئے ہیں۔

ترجمان پاک بحریہ کا مزید کہنا تھا کہ راہداری منصوبے کے بحری راستوں کی حفاظت پاک بحریہ کی اولین ترجیح ہے۔ دفاعی تجزیہ کاروں کا کہنا ہے کہ راہداری منصوبہ نہ صرف ملکی ترقی میں اہم کردار ادا کرے گا بلکہ پاک چین تعلقات میں بہتری لانے کا سبب بھی بنے گا اوراس منصوبے سے نوجوانوں کو روزگار کے مواقع بھی میسر آئیں گے۔

واضح رہے کہ گزشتہ روز وزیر اعظم نواز شریف اور آرمی چیف جنرل راحیل شریف نے منعقدہ تقریب میں پہلے بحری جہاز کی روانگی کا افتتاح کیا تھا جس میں وزیر اعظم کا کہنا تھا کہ اب سی پیک منصوبہ حقیقت کا روپ دھار رہا ہے۔

مزید پڑھیں : سی پیک منصوبہ حقیقت کا روپ دھار رہا ہے: وزیراعظم

چینی سفیر نے اس موقع پر کہا کہ پاک چین اقتصادی راہداری سے دونوں ملکوں میں خوشحالی کے نئے دور کا آغاز ہوگا۔ ان کا مزید کہنا تھا کہ سی پیک منصوبہ تمام چینی اور پاکستانی اداروں کی کوشش سے ممکن ہوا ہے۔

اس حوالے سے دفاعی تجزیہ کاروں کا کہنا ہے کہ راہداری منصوبہ پڑوسی ملک کو ایک آنکھ نہیں بھا رہا ہے مگر ہم ہرصورت اس منصوبے کو مکمل کرکے رہیں گے۔

Print Friendly, PDF & Email

Comments

comments

یہ بھی پڑھیں