کوئٹہ: بلوچ قوم پرست رہنما نوابزادہ گزین مری کی عبوری ضمانت منظور کرلی گئی۔
تفصیلات کے مطابق ڈسٹرکٹ سیشن کورٹ میں جسٹس نوازمری قتل کیس میں نوابزادہ گزین مری کی عبوری ضمانت کیلئے درخواست کی سماعت ہوئی، عدالت نے10لاکھ مچلکوں کےعوض نوابزادہ گزین مری کی عبوری ضمانت منظور کرلی۔
گذشتہ سماعت میں مقامی عدالت نے گزین مری کے وکیل کی جانب سے دائر کی گئی درخواست کومسترد کرتے ہوئے پانچ روزہ ریمانڈ پر پولیس کے حوالے کردیا تھا جب کہ ان کے دیگر گرفتار ساتھیوں کی رہائی کا حکم دیا تھا۔
یاد رہے کہ بلوچستان میں مری قبیلے کے رہنما نوابزادہ گزین مری کو سٹس نوازمری قتل کیس میں 22ستمبر کو ایئرپورٹ سے اس وقت گرفتار کیا گیا تھا، جب وہ 18 سالہ خودساختہ جلاوطنی ختم کرکے وطن پہنچے تھے۔
مزید پڑھیں : گزین مری 18 سالہ جلاوطنی کےبعد کوئٹہ پہنچنے پرگرفتار
وطن واپسی سے قبل انہوں نے ایک بیان میں اپنے بھائیوں کی طرز سیاست اور ملک دشمن سرگرمیوں سے لاتعلقی کا اعلان کرتے ہوئے کہا کہ میں نے کبھی منفی سیاست میں حصہ لیا اوراس حوالے سے میرے اور میرے بھائیوں کے نظریات جدا ہیں اور میں قبائلی عمائدین کی مشاورت سے وطن واپس لوٹ رہا ہوں۔
واضح رہے کہ نوابزادہ گزین مری 1990 کی دہائی میں صوبہ بلوچستان کے وزیرداخلہ کے عہدے پرفائز رہ چکے ہیں
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
