site
stats
بلوچستان

گزین مری کو ایک ماہ کے لیے جیل بھیج دیا گیا

Ghazan Marri

کوئٹہ: نواب زادہ گزین مری کو ایم پی او کے تحت گرفتار کرکے ایک ماہ کے لیے جیل بھیج دیا گیا۔

اے آر وائی نیوز کے نمائندے مصطفی خان ترین نے بتایا کہ نواب زادہ گزین مری کو بیرون ملک سے 18 سال بعد کوئٹہ آمد پر کوہلو فائرنگ کیس میں گرفتار کرلیا گیا تھا، آج ہی ضمانت کے فوری بعد انہیں پھر گرفتار کرکے ایک ماہ کے لیے جیل بھیج دیا گیا ہے۔

نمائندے کے مطابق سبی میں درج اس کیس میں انسداد دہشت گردی کی عدالت نے آج ہی 40 لاکھ روپے کے مچلکوں کے تحت ان کی ضمانت منظور کی تھی، ان کے خلاف قتل کا یہ مقدمہ 2004ء میں درج کیا گیا تھا۔

یہ پڑھیں: کوئٹہ: نوابزادہ گزین مری کی عبوری ضمانت منظور

ضمانت کے فوری بعد ڈپٹی کمشنر آفس سے اعلامیہ جاری ہوا ہے کہ گزین مری کو دوبارہ گرفتار کرکے ایک ماہ کے لیے جیل بھی دیا گیا ہے۔

مزید پڑھیں : گزین مری 18 سالہ جلاوطنی کےبعد کوئٹہ پہنچنے پرگرفتار

ذرائع کا کہنا ہے کہ ان کی گرفتار ی تھری ایم پی او کے تحت عمل میں آئی ہے۔

یاد رہے گزین مرین مرحوم بلوچ رہنما خیر بخش مری کے بیٹے ہیں جو ملک سے باہر خود ساختہ جلاوطنی کی زندگی گزار رہے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top