تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

جی بی الیکشن: فوج مخالف بیانیہ مسترد، ن لیگ کا صفایا

اسلام آباد: وفاقی وزرا نے کہا ہے کہ گلگت بلتستان کے عوام نے مسلم لیگ ن کا فوج مخالف بیانیہ مسترد کرتے ہوئے اُن کا صفایا کردیا۔

اے آر وائی نیوز کی رپورٹ کے مطابق گلگت بلتستان کے اب تک آنے والے غیر حتمی غیر سرکاری نتائج کے مطابق تحریک انصاف 6 نشستوں کے ساتھ پہلے جبکہ پی پی 3 کے ساتھ دوسرے نمبر پر ہے۔

گلگت بلتستان کے عوام نے ن لیگ کا فوج مخالف بیانیہ ردکردیا ہے، موجودہ الیکشن میں پی ٹی آئی سب سے آگے ہے جبکہ سابق دور میں گلگت بلتستان پر حکمرانی کرنے والی ن لیگ کا صفایا ہوگیا ہے، گلگت بلتستان کے ووٹرز نے ن لیگ کے بیانیے کو لفٹ نہیں کرائی۔

گلگت بلتستان میں تحریک انصاف کی کامیابی پر وفاقی وزیر اسد عمر نے سماجی رابطے کی ویب سائٹ ٹوئٹر پر اپنے بیان میں کہا کہ گلگت بلتستان کے عوام کا پی ڈی ایم رہنماؤں کیلئےایک جملہ، ریجیکٹڈ۔

معاون خصوصی وزیراعظم بابراعوان نے بھی گلگت بلتستان الیکشن پر ٹوئٹ کرتے ہوئے کہا کہ پانچ سال جی بی میں حکمرانی کےبعد باپ،بیٹی کی مودی بیانیےکے ساتھ انٹری ہوئی، عوام نے ووٹ کو عزت دے دی، پاک سرزمین اورپاک فوج کےخلاف لابی بری طرح سےپٹ گئی۔

صوبائی وزیر خوراک پنجاب علیم خان نے اپنے بیان میں کہا کہ جی بی کے عوام نے وزیراعظم عمران خان پر اعتماد کا اظہار کردیا، ثابت ہوگیا کہ پی ٹی آئی ملک کی بڑی اور مقبول پارٹی ہے، جی بی الیکشن میں کامیابی پر وزیراعظم عمران خان کو مبارکباد پیش کرتا ہوں۔

علیم خان نے  کہا کہ جی بی کے عوام نے سیاسی فہم اورباشعور ہونےکا عملی ثبوت دیا ہے، اب گلگت بلتستان میں بھی ترقی وخوشحالی کے نئےدور کا آغازہوگا، تمام بیانیےدم توڑ گئے، ترقی وخوشحالی کو کامیابی ملی، تاریخی کامیابی پر علی امین گنڈاپور، مراد سعید بھی مبارکباد کے مستحق ہیں۔

وزیراعظم عمران خان کے معاون خصوصی برائے سیاسی امور ڈاکٹر شہباز گل نے بھی جی بی الیکشن میں تحریک انصاف کے امیدواروں کی کامیابی پر ٹوئٹ کرتے ہوئے کہا کہ پاکستان اورعمران خان۔رسپیکٹڈ جبکہ مریم، میاں مفرور، ملک دشمنی کابیانیہ۔ریجیکٹڈ۔

یہ بھی پڑھیں:  گلگت بلتستان انتخابات، 7 حلقوں کے غیر حتمی غیر سرکاری نتائج، تحریک انصاف آگے

معاون خصوصی زلفی بخاری نے بھی گلگت انتخابات کےنتائج پر سماجی رابطے کی ویب سائٹ پر اپنے پیغام میں کہا کہ آج ووٹ کوعزت مل گئی، بلاول کو لاڑکانہ کا راستہ اورپی ڈی ایم کوسبق مل گیا، کپتان کی زبردست سپورٹ پر گلگت بلتستان کی عوام کاشکریہ ادا کرتے ہیں۔

زلفی بخاری نے کہا کہ بڑی کامیابی کےپیچھےپی ٹی آئی اسکواڈ کی زبردست حکمت عملی رہی، علی امین، مرادسعید، سیف اللہ نیازی سمیت پوری ٹیم نے زبردست کام کیا۔

Comments

- Advertisement -