The news is by your side.

Advertisement

قومی وسائل کی لوٹ مار کرنے والوں کی سیاست دفن ہوگئی، عثمان بزدار

لاہور : وزیراعلیٰ پنجاب عثمان بزدار نے کہا ہے کہ قومی وسائل کی لوٹ مار کرنے والوں کی منفی سیاست دفن ہوگئی، گلگت بلتستان کے عوام نے چوروں اور لیٹروں کا صفایا کردیا۔

 وزیراعلیٰ پنجاب عثمان بزدار نے گلگت بلتستان انتخابات میں کامیابی پر پی ٹی آئی امیدواروں کو مبارکباد پیش کی ہے، ان کا کہنا ہے کہ جی بی کے عوام نے وزیر اعظم عمران خان کی قیادت پر بھرپور اعتماد کا اظہار کیا ہے۔

نتائج آنے کے بعد عثمان بزدار نے اپنے جاری بیان میں کہا کہ عوام شفاف اور خدمت کرنے والی مخلص قیادت کے ساتھ ہیں، واضح ہوگیا تحریک انصاف مقبول ترین جماعت ہے۔

انہوں نے کہا کہ گلگت بلتستان کے الیکشن میں پی ٹی آئی کی شاندار کامیابی نئے پاکستان اور تبدیلی کے ایجنڈے اور شفاف پاکستان کی جیت ہے۔ قومی وسائل کی لوٹ مار کرنے والوں کی منفی سیاست دفن ہوگئی۔

وزیراعلیٰ پنجاب کا کہنا تھا کہ چوروں اور لیٹروں کی منفی سیاست کا دھڑن تختہ ہوچکا ہے، جی بی کے عوام نے بےمقصد احتجاج کرنے والوں کو آئینہ دکھا دیا، جی بی نے لوٹی دولت بچانے کے لئے اپوزیشن کے گٹھ جوڑ کو مسترد کردیا۔

Comments

یہ بھی پڑھیں