The news is by your side.

Advertisement

خلیجی ریاستوں میں سونے پر ٹیکس ختم؟

ریاض : خلیجی ریاستوں کی تعاون کے لیے قائم کردہ تنظیم’ گلف تعاون تنظیم نے سونے پر تمام اقسام کے ٹیکس ختم کرنے کی تجویز پیش کردی۔

تفصیلات کےمطابق جی سی سی ممالک کے حکام پر مشتمل ایک مشاورتی باڈی نے خلیجی ممالک میں سونے پر عائد ٹیکس ختم کرنےکے لیے تجاویز کا مسودہ تیار کرلیا ہے۔

سونے پر ٹیکس ختم کرنے کی تجاویز کا مسودہ جی سی سی کے ممبر ممالک کو بھیج دیا گیا ہے کہ وہ اس پر ابتدائی اقدام کرتے ہوئے اپنا نقطہ نظر ریاض میں واقع جی سی سی سیکریٹریٹ جنرل کی تجارتی تعاون کی کمیٹی کو ارسال کریں۔

دنیا میں کل کتنا سونا ہے؟*

سعودی عرب کی ایک معیشتی خبروں پر نظر رکھنے والی ویب سائٹ کے مطابق جی سی سی کے ایک سینئر عہدے دار کا کہنا ہے کہ سونے پر ٹیکس ختم کرنے کی تجاویز جی سی سی ممالک کی وزارتِ تجارتِ وصنعت کی طرف سے دی گئی تھیں اور انہی کی روشنی میں ان کا مسودہ تیار ہوا ہے۔

انہوں نے یہ بھی کہا کہ ایک تجویز یہ بھی ہے کہ سونے پر ٹیکس کا تخمینہ لگایا جائے اور اگر اسے کلی طور پر نہ بھی ختم کیا جائے تو کم از کم فی گرام لیبر چارجز تک محدود کردیا جائے۔

معاشی ماہرین کا کہنا ہے کہ اس اقدام سے سونے کی درآمد دگنی ہوجائے گی جس سے جی سی سی ممالک کے ریونیو میں مزید اضافہ ہوگا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں