The news is by your side.

Advertisement

چھ ماہ میں قدرتی آفات سے عالمی جی ڈی پی کو37 ارب ڈالر کا نقصان ہوا

کراچی: یونائیٹڈ انٹرنیشنل گروپ کے چیئرمین میاں شاہد نے کہا ہے کہ سال رواں کے پہلے چھ ماہ میں قدرتی آفات اور انسانی ساختہ تباہیوں سے عالمی جی ڈی پی کو 37 ارب ڈالر کا نقصان پہنچا، اپنے ایک بیان میں انہوں نے کہا کہ گزشتہ سال قدرتی آفات کے نتیجہ میں عالمی جی ڈی پی کو 54 ارب ڈالر کا نقصان پہنچا تھا۔

گزشتہ سال کے پہلے چھ ماہ میں قدرتی اور انسانی ساختہ آفات کے نتیجہ میں4800 افراد ہلاک ہوئے جبک تھے جبکہ امسال مرنے والوں کی تعداد 18000 رہی جن میں سے 4000 افراد پاکستان اور بھارت میں گرمی کی لہر کی وجہ سے لقمہ اجل بنے، ایک سوئس ادارے کی رپورٹ کے مطابق انشورنس انڈسٹری نے ان آفات سے ہونے والے مالی نقصانات میں سے 45 فیصد کا ازالہ کیا جو گزشتہ دس سال میں کی جانے والی ادائیگیوں سے زیادہ ہے۔

 انھوں نے کہا کہ انشورنس سے مصیبت میں مبتلاء افراد کے مصائب کم ہوتے ہیں نہ آفات کو ٹالا جا سکتا ہے مگر اس سے متاثرین کو نئی زندگی شروع کرنے میں مدد ملتی ہے۔

Comments

comments

یہ بھی پڑھیں