گستاخانہ خاکوں کے متنازع مقابلے کی منسوخی کے بعد شکست خوردہ گیرت ولڈرز حکومتِ پاکستان کو دھمکیاں دینے پر اتر آیا.
تفصیلات کے مطابق اسلام مخالف ڈچ رکن پارلیمنٹ ملعون گیرٹ ولڈرز کی جانب سے زہر افشانی کا سلسلہ جاری ہے.
شکست خوردہ سیاست داں پاکستان کی کامیاب سفارت کاری پر سیخ پا ہوگیا اور پاکستانی وزیر خارجہ کے بیان پر ردعمل دینے سے خود کو باز نہ رکھ سکا.
وزیر خارجہ شاہ محمود قریشی نے گستاخانہ خاکوں کی منسوخی کو مسلم امہ کی بڑی کامیابی قرار دیا تھا.
ملعون گیرت ولڈرز نے ٹویٹر پر اس پر ردعمل دیتے ہوئے کہا ہے کہ اتنی جلدی جیت کا دعویٰ مت کروں، معاملہ ختم نہیں ہوا.
مزید پڑھیں: ملعون ڈچ سیاست داں پر حملے کی منصوبہ بندی کرنے والا شخص گرفتار
یاد رہے کہ نیدرلینڈز کی رکن پارلیمنٹ کی جانب سے اس متنازع مقابلے کے اعلان کے بعد دنیا بھر کے مسلمانوں کی جانب سے شدید غم و غصے کا اظہار کیا گیا تھا.
پاکستان نے اس ضمن میں منظم سفارت کاری کی، وزیراعظم پاکستان نے او آئی سی کو منظم کرنے اور اقوام متحدہ میں آواز اٹھانے کا اعلان کیا تھا.
ساتھ ہی وزیر خارجہ شاہ محمود قریشی نے نیدرلینڈز کے وزیرخارجہ سے اس ضمن میں رابطہ کیا، جس کے بعد اس مقابلے کی منسوخی کا اعلان کیا گیا.
