ایدھی فاؤنڈیشن میں رہائش پذیرقوت گویائی اورقوتِ سماعت سے محروم گیتا کے آبائی شہرکی تلاش جاری ہے۔
گیتا سب سے پہلے ایدھی سینٹر لاہور پہنچی تھی اور اس کے بعد اسے ایدھی سینٹرکراچی منتقل کیا گیا جہاں یہ لڑکی ایدھی فاؤنڈیشن کے روحِ رواں ڈاکٹر عبدالستار ایدھی کی اہلیہ بلقیس ایدھی کے کافی نزدیک آگئی اور انہوں نے ہی اس کا نام گیتا رکھا۔
گیتا کا معاملہ پہلی بار 2012 میں منظرِ عام پر آیا تھا لیکن تب اسے کوئی خاطر خواہ پذیرائی نہیں ملی تھی لیکن اب کی بار بھارتی وزیرِ خارجہ نے دعویٰ کیا ہے کہ وہ گیتا کو اس کے گھر تک پہنچائیں گی۔
یہاں ہم آپ کے ساتھ کچھ تصاویر شیئر کررہے ہیں جن میں دیکھا جاسکتا ہے کہ گیتا کراچی میں واقع بلقیس ایدھی فاؤنڈیشن میں کس طرح کی زندگی گزاررہی ہے۔
