جنرل قمر جاوید باجوہ نے پاک فوج کی کمان سنبھال لی -
The news is by your side.

Advertisement

جنرل قمر جاوید باجوہ نے پاک فوج کی کمان سنبھال لی

راولپنڈی : جنرل قمر جاوید باجوہ نے پاک فوج کی کمانڈسنبھال لی وہ اس عہدے پر پہنچنے والے پاک فوج کے16ویں آرمی چیف ہیں۔

تفصیلات کےمطابق راولپنڈی کے آرمی ہاکی اسٹیڈیم میں پاک فوج کی کمانڈ میں تبدیلی کی پروقار تقریب کا انعقاد کیا گیاجس میں سبکدوش ہونے والے جنرل راحیل شریف نے نئے آرمی چیف جنرل قمر جاوید باجوہ کو کمانڈ اسٹک سونپی۔

ہاکی اسٹیڈیم میں تقریب کا آغاز قرآن پاک کی تلاوت سے ہواجس کے بعد پاک فوج کے چاک و چوبند دستے نے تقریب کے مہمان خصوصی جنرل راحیل شریف کوفرنٹیئر فورس رجمنٹ کے دستے اور جنرل قمر جاوید باجوہ کو بلوچ رجمنٹ کے دستے نے سلامی پیش کی۔

تقریب میں چیئرمین جوائنٹ چیفس آف اسٹاف جنرل زبیر حیات، چیف آف نیول اسٹاف ایڈمرل محمد ذکاء اللہ اور پاک فضائیہ کے سربراہ ایئر مارشل سہیل امان بھی مہمانوں میں شامل تھے۔

جی ایچ کیو میں پاک فوج کی کمانڈ میں تبدیلی کی تقریب میں وزیر دفاع خواجہ آصف، وزیر مملکت برائے اطلاعات و نشریات مریم اورنگزیب، اسپیکر قومی اسمبلی سردار ایاز صادق و دیگر وزراء بھی تقریب میں شریک تھے۔

اللہ کا شکر گزار ہوں جس نے مجھے دنیا کی بہترین فوج کی قیادت کا موقع دیا،راحیل شریف

آرمی ہاکی اسٹڈیم میں سبکدوش ہونے والے آرمی چیف جنرل راحیل شریف نے پاک فوج کی کمان کی تبدیلی کی پروقار تقریب سے خطاب کرتے ہوئے کہا کہ’میں اللہ کا شکر گزار ہوں جس نے مجھے دنیا کی بہترین فوج کی قیادت کا موقع دیا‘۔

raheel-post-1

جنرل راحیل شریف نے اس موقع پر سیاسی قیادت اور میڈیا کے کردار کو بھی سراہا اور کہا کہ ان کا تعاون بھی فوج کی کوششوں میں شامل رہا۔

raheel-post-3

انہوں نے کہا کہ میں بھارت کو واضح کرنا چاہتا ہوں کہ ہماری تحمل کی پالیسی کو کمزوری سمجھنا بھارت کے لیے خطرناک ثابت ہوگا۔

جنرل راحیل شریف نے کہا کہ ملک کو پیچیدہ چیلنجز کا سامنا ہے اور ہمیں درپیش خطرات ابھی ختم نہیں ہوئےمکمل امن کے حصول کے لیے ہمارا سفر قدم بقدم جاری ہے۔

انہوں نے کہا کہ حالیہ دنوں میں مقبوضہ کشمیر میں بھارت کے جارحانہ اقدام نے خطے کے امن کو خطرے میں ڈال دیا۔

مزید پڑھیں:نئےآرمی چیف جنرل قمر باجوہ کی خدمات

جنرل راحیل شریف نے کہا کہ خطے میں امن و خوشحالی کی واضح مثال چائنا پاکستان اقتصادی راہداری ہے اور اب وقت آگیا ہے کہ سی پیک کے دشمن اپنی دشمنی ترک کرکے اس کے ثمرات میں شریک ہوں۔

raheel-post-2

جنرل راحیل شریف نے کہا کہ ’پاک فوج سے رخصت ہوتے ہوئے مجھے خوشی ہے کہ میری زندگی سب سےعظیم قوم اور سب سے باوقار ادارے کی خدمت کے لیے وقف رہی‘۔

raheel-post-4

خیال رہےکہ اس سےقبل سبکدوش ہونے والے آرمی چیف جنرل راحیل شریف اورفوج کے نامزد سربراہ جنرل قمر جاوید باجوہ نے جی ایچ کیومیں یادگار شہدا کی تقریب میں شرکت کی تھی۔

جنرل راحیل شریف نے یاد گار شہدا پر پھول چڑھائے،فاتحہ خوانی کی اور سلامی دی اورتقریب کے مہمان خصوصی جنرل راحیل شریف نے گارڈ آف آنر کا معائنہ کیاتھا۔

Comments

comments

یہ بھی پڑھیں