واشنگٹن: کمانڈر امریکی سینٹرل کمانڈ جنرل جوزف نے کہا ہے کہ افغانستان میں قیام امن کے لیے پاکستان کا کردار اہم ہے۔ جنوبی ایشیا میں امن کے لیے پاکستان کے مضبوط تعاون کی ضرورت ہے۔ پاکستان کے ساتھ امریکا کو تعاون کرنا ہوگا۔
تفصیلات کے مطابق کمانڈر امریکی سینٹرل کمانڈ جنرل جوزف ویٹل نے ایوان نمائندگان میں دیے گئے بیان میں کہا ہے کہ پاکستان کے ساتھ با اعتماد تعلقات ہمارا مقصد ہے۔ خطے میں پاکستان اور امریکی افواج کا تعاون ضروری ہے، اس سے امن کی راہیں کھلیں گی۔
جنرل جوزف نے بتایا کہ انتہا پسندوں کے معاملے میں پاکستان کے مثبت اشارے مل رہے ہیں اور وہ درست سمت میں جارہا ہے، اس لیے پاکستان کے ساتھ پیشہ ورانہ تعاون وقت کی ضرورت ہے۔
ان کا مزید کہنا تھا کہ ہم پاکستانی حکومت سےروزانہ کی بنیاد پر رابطے میں ہیں اور پاکستانی حکام سے براہ راست ملاقاتیں ہو رہی ہیں۔
جنرل جوزف نے کہا کہ ان کا مقصد پاکستان سے اچھے اور مضبوط تعلقات قائم رکھنا ہے، امید ہے پاکستان سے تعلقات بہت جلد معمول پر آجائیں گے۔ داعش کو شکست دینے کے لیے متحد ہونا ہوگا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
