راول پنڈی: آرمی چیف جنرل قمر جاوید باجوہ نے بہاولپور کا دورہ کیا، جہاں انھوں نے موسم سرما کی تربیتی مشقوں کا جائزہ لیا۔
پاک فوج کے شعبہ تعلقات عامہ کے مطابق آرمی چیف نے اس موقع پر کہا کہ ہم دہشت گردی کے خلاف جنگ لڑ رہے ہیں اور پرعزم ہیں، مگر روایتی خطرات کو نظر انداز نہیں کرسکتے. ہم ان خطرات سے نمٹنے کے لئے تیار ہیں۔
تفصیلات کے مطابق آرمی چیف کا کہنا تھا کہ ہم پاکستان کو درپیش روایتی خطرات سے غافل نہیں رہ سکتے، اس سے نمٹنے کے لیے ہمیں تیار رہنا ہوگا۔
آئی ایس پی آر کے مطابق اس موقع پر کور کمانڈر بہاولپور نے جوانوں کی تربیت اور تیاریوں سے متعلق بریفنگ دی۔ آرمی چیف نے جوانوں کی پیشہ ورانہ مہارت اور تربیت کے اعلیٰ معیار کو سراہا۔
Comments
- Advertisement -
