بے روزگاری سے تنگ نوجوان نے ملازمت حاصل کرنے کے لیے ایک ایسا انوکھا طریقہ اپنایا جو کمپنی کو پسند آگیا اور اسے ملازمت بھی دے دی گئی۔
برطانیہ سے تعلق رکھنے والے 24 سالہ جوناتھن سوئفٹ نے ایک پرنٹنگ ہاؤس میں ملازمت کے لیے درخواست دی، اور اس کے لیے نوجوان نے ایسا طریقہ اختیار کیا کہ تمام امیدواروں میں وہ بازی لے گیا۔
عموماً کسی بھی کمپنی میں ملازمت کی درخواست دینے کے لیے سی وی بتائے گئے پتے پر ای میل کی جاتی ہے لیکن جوناتھن نے اس کے لیے گاڑیوں کا سہارا لیا۔
سی سی ٹی وی ویڈیو کے مطابق جوناتھن نے کمپنی کی جانب سے ملازمت کے لیے شائع اشتہار پر اپنی سی وی پرنٹ کروائی اور اسے کمپنی کی پارکنگ میں کھڑی تمام گاڑیوں پر لگا دیا۔
Here’s some CCTV footage of the #jobseeker in action! He’s been the talk of the office since covering everyone's cars in CVs. I love it when we get a #creativejobapplication – Craig, Marketing Manager pic.twitter.com/OmE5puQgwI
— instantprint (@instantprintuk) January 18, 2022
کمپنی مینجر کا کہنا تھا کہ میں نے کھڑکی سے دیکھا کہ ایک نوجوان گاڑیوں پر کچھ لگا رہا ہے، جب کیمرے سے قریب کر کے دیکھا تو وہ کمپنی کا اشتہار ہر گاڑی پر لگا رہا تھا، ہم نے اسے بلایا تو معلوم ہوا کہ وہ ملازمت کے لیے اپنی سی وی گاڑیوں پر لگا رہا تھا۔
مینجر نے کہا کہ ہمیں جوناتھن کا ملازمت حاصل کرنے کا طریقہ دلچسپ لگا، ہمیں 140 سے زائد درخواستیں موصول ہوئیں مگر ہم نے جو ناتھن کو ملازمت دینے کا فیصلہ کیا۔
